وزبەكستان «ترانسكاسپي حالىقارالىق كولىك باعىتى» جوباسىنا كىرۋى مۇمكىن
دوڭگەلەك ۇستەلدە «ترانسكاسپي حالىقارالىق كولىك باعىتىن» (ت ح ك ب) دامىتۋ جانە تانىمالدىعىن ارتتىرۋ، قازاقستان مەن جوباعا قاتىسۋشى ەلدەردىڭ تەڭىز ينفراقۇرىلىمىنىڭ مۇمكىندىكتەرىن تانىستىرۋ ماسەلەلەرى قارالدى. جيىن بارىسىندا قازاقستاندىق بايانداماشىلار جۇكتەردىڭ ۇزدىكسىز اعىنىن تارتۋ ماقساتىندا ءىرى كولەمدەگى جانە پەرسپەكتيۆالى ترانزيتتىك تاسىمالدارعا قىزمەت كورسەتۋ بويىنشا اقتاۋ جانە قۇرىق پورتتارىنىڭ مۇمكىندىكتەرىن تانىستىردى. بۇدان باسقا، قازاقستاندىق تاراپ ق ر- داعى پارومدى جانە قۇرعاق جۇكتەردى دامىتۋ مەن تەڭىز پورتتارىن ۇلعايتۋ بويىنشا جۇرگىزىلىپ جاتقان جۇمىستاردىڭ بارىسى تۋرالى حابارلادى. سونىمەن قاتار، قازاقستان تەمىر جولى وكىلدەرى ت ح ك ب- نىڭ جوباسىنا وزبەكستاندىق ارىپتەستەرىن تارتۋ اياسىندا ءور كومپانيالارىمەن تەمىرجول باعىتتارى بويىنشا تاسىمالداۋ تالاپتارى مەن جۇكتەردى جەتكىزۋ مەرزىمدەرىن تالقىلادى.
ەسكە سالا كەتەيىك، وزبەكستان پرەزيدەنتىنىڭ قازاقستانعا جاساعان ساپارى اياسىندا 1 ميلليارد دوللار سوماسىندا شارتتار جاسالعان بولاتىن.
