الماتى جاستارىنا ءۇي ساتىپ الۋى ءۇشىن جەڭىلدەتىلگەن نەسيە بەرىلە باستايدى
بۇل كارتا نەگىزگى بەس باعىتىنىڭ ءبىرى جاستاردى تۇرعىن ۇيمەن قامتۋ، - دەپ حابارلايدى Tengrinews.kz ءتىلشىسى الماتى قالاسى اكىمىنىڭ باسپا ءسوز قىزمەتىنە سىلتەمە جاساپ.
جول كارتاسى اياسىندا قازاقستاننىڭ «تۇرعىن ءۇي قۇرىلىس جيناق بانكىمەن» بىرگە جاستاردىڭ ءۇي ساتىپ الۋى ءۇشىن جەڭىلدەتىلگەن نەسيە بەرۋدىڭ مۇمكىندىكتەرى قاراستىرىلىپ جاتىر ەكەن. زاەمنىڭ جىلدىق مولشەرى 5 پايىز بولادى.
جاس وتباسىلارعا ارناپ جاتاقحانا سالۋ ءۇشىن 3,7 ميلليارد تەڭگە بولىنگەن. كاسىپكەرلەر سۋبەكتىلەرىنە نەسيە ءبولۋ مەحانيزمدەرى ارقىلى 320 وتباسىن نەمەسە 16000 ادامدى تۇرعىن ۇيمەن قامتۋ جوسپارلانعان. باسپا ءسوز قىزمەتىنىڭ مالىمەتىنشە، جاستاردى 2020 -جىلعا دەيىن قولداۋدىڭ جول كارتاسى نەگىزگى بەس باعىتتان تۇرادى، ولار - ساپالى ءبىلىم، جۇمىسپەن قامتۋ، مادەني دەمالىس جانە سالاۋاتتى ءومىر سالتى، تۇرعىن ءۇي جانە جاس وتباسىلاردى قولداۋ، بەلسەندى جاستار قالاسى.
سونداي-اق، جول كارتاسىندا جاستاردى جۇمىسپەن قامتۋعا ايرىقشا نازار اۋدارىلعان. جاستار پراكتيكاسىنا قاتىسۋشىلار قاتارى جىل سايىن 500 دەن 2000 ادامعا ارتاتىن بولادى. بيىل تۇلەكتەردى جاستار پراكتيكاسىنا جىبەرۋ ءۇشىن قوسىمشا 500 ميلليون تەڭگە بولىنگەن. بيىل العاش رەت جۇمىسسىز جانە وزدىگىمەن ەڭبەك ەتىپ جۇرگەندەرگە ميكرونەسيە بەرۋ ءۇشىن 1 ميلليارد تەڭگە ءبولىنىپتى. «ولاردىڭ ءارقايسىسى ءوزىنىڭ بيزنەس- جوباسىن ىسكە اسىرۋ ءۇشىن 18 ميلليون تەڭگەگە دەيىن ميكرونەسيە الا الادى. تۇرعىنداردى جۇمىسپەن قامتۋ ورتالىعى ارقىلى 8 مىڭنان استام جۇمىسسىز جاستار قىسقا مەرزىمدى كۋرستارعا قاتىسىپ، ماماندىق الىپ شىعادى"، - دەپ حابارلادى اكىمدىكتىڭ باسپا ءسوز قىزمەتى. ايتا كەتەيىك، الماتىدا بۇگىنگى كۇنى 14 تەن 35 جاسقا دەيىنگى ارالىقتا 700 مىڭنان استام جاس بار، ولاردىڭ 435 مىڭى - ەكونوميكالىق بەلسەندى جاستار. تەك سوڭعى 5 جىل ىشىندە جاستاردىڭ ۇلەسى 10 پايىزعا ارتتى. جاسالعان بولجام بويىنشا، الماتىدا 2020 -جىلى ەكونوميكالىق بەلسەندى جاستار قاتارى 500 مىڭنان استام ادامعا ارتادى دەپ كۇتىلەدى.
