ديماش جانكۇيەرلەرىنە قىتاي تىلىندە العىس ايتتى - كەسكىن
ءانشى حاتتى قىتاي تىلىندە جازۋعا كوپ كۇش سالعانىن جاسىرمادى. سونداي-اق، بۇل سوزدەردى جانكۇيەرلەرىنە بۇرىننان ايتۋدى ويلاپ جۇرگەن.
«قۇرمەتتى مەنىڭ دوستارىم! مۋزىكا الەمى ءبىزدى تابىستىردى. قىتايعا كەلگەن قىسقا عانا بەس ايدا، مەنىڭ ومىرىمدە ۇلكەن وزگەرىس بولدى. سەبەبى سەندەردىڭ بار بولعاندارىڭ مەنى باقىتقا بولەيدى. باسقا تىلدە سويلەسەك تە، مەن مۋزىكا ارقىلى سەندەرگە مەنىڭ ىشكى الەمىمدى جەتكىزسەم دەيمىن. 23 جاسقا كەلگەن مەن، ءتىپتى دە قۇلشىنىپ، سەندەر جاقسى كورۋگە جانە ماقتان تۇتۋعا لايىق ديماش بولۋعا تىرىسامىن. سەندەردىڭ ىستىق ىقىلاستارىڭا راحمەت، مەن سەندەردى سۇيەمىن!»، - دەپ جازىلعان حاتتا.
ايتا كەتەيىك، قىتاي استاناسى بەيجىڭ قالاسىندا قازاقستاندىق ءانشى ديماش قۇدايبەرگەننىڭ قىتايلىق جانكۇيەرلەرگە ارنالعان «توسىن سىيعا تولى تۋعان كۇن» اتتى ءان كەشى وتۋدە.
جاس تالانتتىڭ قىتايداعى جانكۇيەرلەرى قىتايدىڭ باس قالالارى جانە استانا قالاسىنداعى LED ەكرانداردا تۋعان كۇن قۇتتىقتاۋلارىن جولدادى. كەشتە ارنايى ۇلكەن ەكراننان قىتايلىق تانىمال انشىلەردىڭ دە بەينە قۇتتىقتاۋلارى كورسەتىلدى.
