07:49, 25 - مامىر 2017 | GMT +5
يوردانيادا تۇيە جارىسى ءوتتى
استانا. قازاقپارات - ۆادي-رام شولىندەگى ءداستۇرلى سايىسقا 240 تۇيە قاتىستىرىلدى، دەپ حابارلايدى حابار 24- تەلەارناسى.
بۇل - ەل استاناسى امماننان 240 شاقىرىم قاشىقتىقتا ورنالاسقان جەر. ادەتتە جارىس تاڭ اتا، كۇن ىسىماي تۇرعاندا باستالادى. تۇيەلەر ەكى جاعىنان قورشالعان جولمەن جۇگىرەدى.
ال اۆتوكولىككە مىنگەن يەلەرى قاسىندا ءجۇرىپ، داۋىستاپ دەم بەرىپ تۇرادى. تۇيەلەر مۇنداي قيقۋدى ارقاسىنا ىلىنگەن داۋىس زورايتقىشتار ارقىلى ەستيدى.
بۇرىن تۇيەلەرگە بالالار ءمىنىپ الىپ جارىساتىن. الايدا سوڭعى كەزدە بالالاردى الامانعا قاتىستىرۋعا تىيىم سالىندى. تۇيە جارىسى - اراب ەلدەرىنىڭ ەڭ سۇيىكتى ەرمەگى. وعان جانكۇيەر بولۋ ءۇشىن بۇكىل يوردانيا جانە وزگە دە ەلدەردەن ادامدار اعىلىپ كەلەدى.
