شىمكەنتتىڭ تەاتر ارتىستەرى ەكسپو كورمەسىنە وراي فلەش- موب وتكىزدى - فوتو
شىم قالانىڭ ورتالىق ساياباعىندا وتكەن شارا «ەكسپو-2017» حالىقارالىق كورمەسىنە قولداۋ كورسەتۋ جانە ناسيحات جۇمىستارىن جۇرگىزۋ ماقساتىندا ۇيىمداستىرىلدى، دەپ حابارلايدى قازاقپارات ح ا ا ءتىلشىسى.
قالا تۇرعىندارى مەن قوناقتارى وبلىستىق ءازىل-سىقاق جانە ساتيرا تەاترىنىڭ 70-كە جۋىق قىزمەتكەرىنىڭ ينتەرمەديالىق ازىلدەرى مەن اسەم اۋەندەرىن تىڭداپ، "ماڭگىلىك ەل" فلەش- موبىن تاماشالادى. سەرۋەنگە شىققان قالا تۇرعىندارى حالىقارالىق كورمە جايىندا اقپاراتتىق تانىمىن كەڭەيتتى. ايتا كەتەيىك، 2017 -جىلدىڭ باستى شاراسىنا ءازىل- سىقاق تەاترىنان 70 كە جۋىق ءارتىس بارادى دەپ كۇتىلۋدە. ولار استانا تورىندە تامىزدىڭ 29-ىنان باستاپ، قىركۇيەكتىڭ 5 ىنە دەيىن ونەر كورسەتەدى. كورمەگە كەلگەن قوناقتارعا ايرىقشا سەرپىلىس سىيلاۋ ءۇشىن ونەرپازدار دايىندىعىن پىسىقتاپ جاتىر.
اۆتور: اينۇر اقبايەۆا
