ءتۇس كورىپ جاتىپ كوز جۇمعان قىزدىڭ وقيعاسى ءبۇتىن ءبىر وتباسىنىڭ سىرىن اشتى
سول سەبەپتى ونىڭ اناسى زەرتتەۋ جۇرگىزىپ، قىزىنىڭ ءولىمىنىڭ سەبەبىن بىلمەك بولادى. زەرتتەۋ ناتيجەسىندە بويجەتكەننىڭ تۇقىم قۋالايتىن، ەمى جوق اۋرۋعا شالدىققانى انىقتالعان دەپ حابارلايدى life.ru سايتىنا سىلتەمە جاساپ NUR. KZ.
24 جاستاعى ەليزا فيتسپاتريك ەشقاشان دەنساۋلىعىنا شاعىم جاساعان ەمەس، جامان ادەتتەن دە اۋلاق بولعان. قىز ستوماتولوگيالىق كلينيكالاردىڭ بىرىندە مەدبيكە بولىپ جۇمىس ىستەپ، الداعى ومىرىنە ۇلكەن جوسپارلار قۇرادى. ءبىراق ول ۇيقىعا كەتكەننەن قايتا كوزىن اشپاعان.
ونىڭ اتا-اناسى تەلەفون قوڭىراۋلارىنا جاۋاپ بەرمەگەن قىزدارىن جەكە پاتەرىندەگى ديۆاندا جاتقان جەرىنەن تاپقان دەپ جازادى Daily Mail.
قايتىس بولعان قىزدىڭ 45 جاستاعى اناسى ۇزاق ۋاقىت قىزىن تىرىلتپەك بولعانىمەن، ءبارى كەش ەدى. دارىگەرلەر قىزدىڭ ءتۇس كورىپ جاتىپ، قايتىس بولعانىن انىقتاعان.
ونىڭ ولىمىنە اپتاسىنا 12 ادامنىڭ ءومىرىن جالمايتىن - برۋگادا اتتى سيندروم سەبەپشى بولعان. كوز جۇمار كۇنى ول باسى اۋىرىپ، قاتتى جاۋراپ تۇرعانىن ايتقان. ەليزانىڭ اناسى قىزىنىڭ اياق استى ءولىمىن زەرتتەمەك بولادى.
كريستي لوندونداعى اۋليە دجوردج كلينيكاسىندا تەكسەرىستەن وتەدى، انىقتالعانداي برۋگادا سيندرومى اناسىنان بەرىلگەن بولىپ شىعادى.
بۇل دەرتكە شالدىققان جاننىڭ جۇرەك سوعىسى اۋىتقۋعا ۇشىرايدى. قايتىس بولعان قىزدىڭ اناسىن قالعان ءتورت بالاسىنىڭ ءومىرى قاتتى الاڭداتۋدا.
برۋگادا سيندرومىنىڭ بەلگىلەرى كەۋدە تۇسىنىڭ اۋرۋى، جۇرەكتىڭ تەز سوعۋى، دەمىگۋ. ەمى جوق اۋرۋ ە ك گ جانە قان تەكسەرىسى كەزىندە عانا انىقتالادى.
مۇنداي بەلگىسى بار ادامدارعا بويلارىن ىشىمدىكتەن اۋلاق ۇستاۋ قاجەت. بۇل اۋرۋ تۇقىم قۋالايدى.
