ساعىنتايەۆ مەملەكەتتىك ورگاندارعا ازاماتتاردى انىقتاما سوڭىنان جۇگىرۋدەن ارىلتۋدى تاپسىردى
«مەملەكەت باسشىسى «ازاماتتار ءۇشىن ۇكىمەت» جوباسىن قۇرۋ بارىسىندا ادامداردىڭ انىقتاما سوڭىنان جۇگىرمەۋىن تاپسىرعان بولاتىن. ويتكەنى، قىزمەتتەردى مەملەكەت كورسەتكەننەن كەيىن بۇل انىقتامالار ءبىرىنشى كەزەكتە ءبىزدىڭ وزىمىزگە قاجەت. ەگەر جۇيە جۇمىس ىستەيتىن بولسا، وندا ءبىز ءوزىمىز ءبىرىڭعاي جۇيە ىشىنەن قاجەتتى بارلىق اقپاراتتاردى جيناۋىمىز كەرەك. قازىر انىقتامانىڭ 5 ءتۇرى بويىنشا عانا 23 ميلليون قاعاز بەرىلگەنى ايتىلدى. ياعني، بۇل رەتتە دە ءبىزدىڭ مەملەكەتتىك ورگاندار ءبىر- بىرىمەن جۇمىستارىن ۇيلەستىرمەگەن»، - دەدى باقىتجان ساعىنتايەۆ.
سونىمەن قاتار پرەمەر- مينيستر بالا باقشا مەن جەر تەلىمىن ءبولۋ كەزەگىنە قاتىستى ماسەلەلەرگە توقتالدى.
«قازىرگى ۋاقىتتا جەرگىلىكتى جەرلەردە جەر تەلىمى، بالاباقشا ماسەلەلەرىنە نازار اۋدارىلىپ وتىر. ولاردى بولۋمەن اكىمدىكتەر اينالىسادى. ءبىزدىڭ كورپوراتسيا ارقىلى بالاباقشا ورىندارىن بولۋدە دۇرىس جۇمىس ىستەي الساق، وندا حالىق ريزا بولار ەدى. ياعني، ماسەلە اشىق شەشىلەدى جانە حالىق اكىمدىكتەردىڭ كوميسسيالارىنا بارىپ جۇرمەيدى»، - دەدى ول.
ساعىنتايەۆ ادامدار بالاباقشالاردى ۇيلەرىنە جاقىن جەردەن الۋىنا دا مۇمكىندىك تۋاتىنىن باسا ايتتى. «كەزەكتى كۇندەلىكتى ونلاين رەجىمدە قاداعالاپ تا وتىرۋعا بولادى جانە ماشينا ءوزى ىرىكتەپ الادى. بۇل وتە ماڭىزدى تاقىرىپ»، - دەدى ۇكىمەت باسشىسى.
اۆتور: مارلان جيەمباي
