قازاقستاندا ءتورت ەلدىڭ اسكەري بارلاۋشىلارى اراسىندا جارىس ءوتىپ جاتىر
بەس كۇن ىشىندە بەلارۋس، قازاقستان، پاكىستان جانە رەسەيدىڭ 8 كومانداسى ۇزدىك بارلاۋ توبىن انىقتايدى.
«التىن ۇكى-2017» حالىقارالىق جارىسى وعان قاتىسۋشىلاردىڭ ءىس جۇزىندەگى جاۋىنگەرلىك ءىس-قيمىلدارعا جوعارى مورالدىق-پسيحولوگيالىق، اسكەري-ارنايى جانە دەنە دايىندىعىن قالىپتاستىرۋعا جانە ۇستاۋعا كومەكتەسۋگە ارنالعان.
ءاربىر اسكەري قىزمەتشىگە جوعارى توزىمدىلىك پەن دالدىكتى تانىتۋ تالابى قويىلادى. ارنايى ماقساتتاعى اسكەري قىزمەتشىلەر 10 كەزەڭنەن ءوتۋى ءتيىس.
ولاردىڭ بارىسىندا بارلاۋ بولىمشەلەرى كومانديرلەرىنىڭ جۇمىس دەڭگەيى، اسكەري قىزمەتشىلەردىڭ وق اتۋ جانە دالالىق ماشىق دەڭگەيى، كۇردەلى جاعدايدا مىندەتتەردى پىسىقتاۋعا ازىرلىك دەڭگەيى، سونداي-اق ءارتۇرلى كاسىبي امالداردى ورىنداۋ دەڭگەيى ايقىندالاتىن بولادى.
بيىل جارىستى باقىلاۋعا ازەربايجان، موڭعوليا، ءۇندىستان مەن تۇركيا وكىلدەرى قاتىسىپ جاتىر.
