11:53, 22 - مامىر 2017 | GMT +5
استانادا سۇلتان بەيبارىستىڭ قۇندى جادىگەرلەرى كورسەتىلەدى
استانا. قازاقپارات - استانادا 10 - ماۋسىمنان 10- تامىزعا دەيىن «سۇلتان بەيبارىس جانە ونىڭ ءداۋىرى» اتتى كورمە وتەدى. بۇل تۋرالى ق ر- دىڭ ەگيپەتتەگى توتەنشە جانە وكىلەتتى ەلشىسى ارمان يساعاليەۆ ءمالىم ەتتى،
ونىڭ ايتۋىنشا، كورمە اياسىندا ۇلتتىق مۋزەيگە كەلۋشىلەر سۇلتان بەيبارىسقا تيەسىلى 22 جادىگەرمەن تانىسا الادى.
«كاير يسلام ونەرى مۋزەيى جيىنتىعىنان الىپ كەلگەن بەيبارىستىڭ - 17 جىل بويى ەگيپەت پەن سيريادا بيلىك قۇرىپ، قاتارداعى قۇلدان ماملۇك مەملەكەتىنىڭ سۇلتانى دارەجەسىنە دەيىن كوتەرىلگەن جانە مىسىردىڭ دامۋى مەن گۇلدەنۋىنە ولشەۋسىز ۇلەس قوسقان ءبىزدىڭ ۇلى بابامىزدىڭ زاتتارى ونىڭ ءومىرى مەن تاريحىنان سىر شەرتەدى»، - دەپ جازدى ول Facebook-تەگى جەكە پاراقشاسىنا.
