استاناداعى توبەلەس: سپورتشى قوناق ۇيگە بارىپ، باس تورەشىنى سوققىعا جىقتى

استانا. قازاقپارات - استانادا وتكەن Fight Nights Global چەمپيوناتىنان كەيىن رەسەيلىك سپورتشى گادجيمۇراد حيراماگومەدوۆ ءوزىنىڭ تۋعان اعاسىمەن بىرگە ر ف م م ا- نىڭ ۆيتسە- پرەزيدەنتى رادمير گابدۋللين جاتقان قوناق ۇيگە بارىپ، باس تورەشىنى سوققىعا جىققان، دەپ حابارلايدى قازاقپارات ءتىلشىسى.
None
None

«رەسەي فەدەراتسياسىنىڭ ەكى ازاماتى بۇزاقىلىق ارەكەتى ءۇشىن جاۋاپقا تارتىلدى. ولارعا قاتىستى اكىمشىلىك حاتتاما راسىمدەلىپ، اربىرەۋى 10 ا ە ك (22690 تەڭگە) كولەمىندە ايىپپۇل تولەۋگە مىندەتتەلدى»، - دەيدى استانا قالالىق ءى ءى د باسپا ءسوز قىزمەتىنىڭ جەتەكشىسى سوفيا قىلىشبەكوۆا.

ال رەسەيلىك LifeNews سايتىنىڭ اقپاراتىنا سايكەس، حيراماگومەدوۆتىڭ جانىندا ونىڭ اعاسى بولعان. اتالعان رەسۋرستا رادمير گابيدۋللين جاتقان قوناق ۇيىندەگى بەينەباقىلاۋدىڭ ءبىر ءۇزىندىسى جاريالاندى. وندا اعايىندى گادجيمۇراد پەن گامزات حراماگومەدوۆتارعا ۇقسايتىن ەكى ادامنىڭ بولمەگە كىرىپ بارا جاتقانى انىق كورىنىپ تۇر.

ايتا كەتەيىك، جاقىندا استانا قالاسىندا وتكەن Fight Nights Global چەمپيوناتىندا حيراماگومەدوۆ قازاقستاندىق سپورتشى گەورگي كيچيگينگە قارسى شىققان بولاتىن. جەكپە-جەكتىڭ قورىتىندىسى بويىنشا كيچيگين Fight Nights چەمپيونى اتاندى. الايدا قازاقستاندىق سپورتشى ءوز قارسىلاسىن ايقىن باسىمدىقپەن جەڭە المادى.

وعان قوسا، ءوز ۇپايلارىن حيراماگومەدوۆكە بەرگەن تورەشىلەر دە تابىلدى. ال جەكپە-جەكتەن كەيىن رەسەيلىك سپورتشى مەن رەسەي م م ا وداعىنىڭ ۆيتسە-پرەزيدەنتى رادمير گابدۋلليننىڭ اراسىندا جانجال تۋىندادى.

سول كەزدە باس تورەشى قاتتى جاراقات الدى. حيراماگومەدوۆ ونى قازاقستاندىق بوكسشىعا بولىستى دەپ ايىپتاعان. گابدۋللين ماسكەۋگە ۇشىپ كەلگەن بويدا شۇعىل تۇردە اۋرۋحاناعا جاتقىزىلدى. ونىڭ جاق سۇيەگى ەكى جەردەن سىنىپ، ميى شايقالعان.

اۆتور: ارمان اسقاروۆ

سوڭعى جاڭالىقتار