سەن سياقتى مەنى ەشكىم ەركەلەتىپ

 استانا. قازاقپارات - «سەن سياقتى مەنى ەشكىم ەركەلەتىپ، سەن سياقتى مەنى ەشكىم تۇسىنبەگەن» ءيا، ءبىر- ءبىرىن ەركەلەتىپ سۇيگەن عاشىقتاردىڭ ماحابباتتارى دا ەرەكشە بولاتىن شىعار.

كوشەدە جۇرگەندە ءتاتتى سەزىمنىڭ قۇشاعىندا جۇرگەن جۇپتاردى بايقاساڭىز قىلىقتارى قىزىقتى كورىنەدى. ءبىر- بىرىنە بالمۇزداق جاعىپ، ءبىر- ءبىرىن قۋالاسىپ ويناپ جۇرگەندەردى كورۋىڭىز مۇمكىن. ال كەيبىرى تىپتەن سالماقتى. ياعني، ارتىق قيمىل جوق، ءبىر ىزبەن بارىپ، ءبىر ىزبەن قايتادى. ءبىرىنشى اتالعان توپتاعى عاشىقتارعا نە اسەر ەتۋى مۇمكىن؟ الدىمەن، جاس. جاس ەرەكشەلىكتىڭ بۇل پسيحولوگياسى دا ماڭىزدى. ەگەر قىز جىگىتتەن كىشى بولسا، بۇل ەركەلىك ورىندى. ءتىپتى، جاستارى شامالاس جۇپ تا ءبىر- بىرىنە دەگەن سەزىمدەرىن ەركەلەپ جەتكىزەدى. دوستىقتان پايدا بولعان ماحابباتتا دا ەركەلىكتىڭ جەلى ەسىپ تۇرادى. ءبىر- ءبىرىن بالا كەزدەن تانيتىن عاشىقتار بۇل قىلىقتارىن ەسەيگەندە دە جاسىرىپ قالۋى مۇمكىن ەمەس.

ەكىنشى فاكتور -  مىنەز. جىگىت سالماقتى بولسا، عاشىعى ءۇيدىڭ ءسۇت كەنجەسى دەيىك. ۇيدەن ەركەلىككە «باتىپ» وسكەن قىزدىڭ قاي ورتادا دا ەركە بولاتىنى ءسوزسىز. اقىلدى ەركەسىن جىگىت قاۋىمى «كىشكەنتايىم» ، «ەركەم» دەپ ەركەلەتىپ جۇرەدى. ءۇشىنشى فاكتور -  ورتا. سالماقتى ورتادا جۇرگەن عاشىقتار وزدەرىن بارىنشا قاي جەردە دە ءتۇزۋ ۇستايدى. ولار وزدەرىنە عانا ءمالىم ەركەلىكتى ءباز بىرەۋلەرگە كورسەتە بەرگىسى كەلمەيدى. ءتاتتى قىلىعىمەن جانىن قىتىقتايتىن حانشايىمدارىنىڭ ەركەلىگىن كوتەرە بىلگەن حانزادالاردىڭ دا سابىرى مىقتى بولادى دەيدى پسيحولوگتار. مۇنداي جىگىتتەردىڭ كوبى «عاشىعىڭىز ەركە عوي» دەسە، «ول وسى قىلىعىمەن مەنى باۋراپ الدى عوي» دەپ جاۋاپ بەرەدى ەكەن. ەندىگى ءبىر سۇراق بۇل ەركەلىكتىڭ «جارامدىلىق مەرزىمى» بار ما؟ ياعني، وتباسى بولىپ شاڭىراق قۇرعان كەزدە سانانى تۇرمىس بيلەپ، ەركەلىكتىڭ ورنىن الدەقانداي سەزىم باسىپ كەتپەي مە؟ ءبىرىنشى فاكتور بويىنشا سويلەسەك. جاس ەرەكشەلىك پسيحولوگياسى جىلدىڭ وتۋىنە وراي وزگەرەدى ەكەن. ويتكەنى، ءسابيدىڭ ەركەلىگىن قىزىقتايتىن شاق تۋادى. كوپ قىزدىڭ مىنەزى وزگەرە بەرمەيدى.

وزگەرتكىسى كەلەتىندەر عانا ەركەلىگىنەن «قۇتىلا» الادى. ەگەر «جارىم وسى قىلىعىمدى ۇناتتى عوي» دەسە، قىلىعىمەن ەرىن قۋانتا دا الادى، سابيىنە دە جىلۋىن بەرە الادى. ال، ورتاسىنا بايلانىستى ايتاتىن بولساق، ورتاعا بەيىمدەلگىش قىزدار ەركەلىگىن ۇلكەن ومىرگە قادام باسقاندا وزگەرتۋى مۇمكىن. ءوزى وسكەن ورتادان «ۇلكەن» ورتاعا ءسىڭىسىپ كەتۋدىڭ وڭاي ەمەستىگى بەلگىلى. ەركەلەپ ءجۇرىپ، ءبارىنىڭ كوڭىلىنەن شىعا بىلسە، قۇبا- قۇپ. عاشىعىنىڭ شامىنا تيمەي ورنىمەن ەركەلەگەن قىزدار اقىلدى ەركە بولارى ءسوزسىز. ال ءسىز قانداي ەركەسىز؟

 

Massaget.kz