13:43, 20 - مامىر 2017 | GMT +5
قازاقستاندا اس ءۇي مەن دارەتحاناسى جوق تۇرعىن ۇيلەر سالىنبايتىن بولدى
استانا. قازاقپارات - پەرۋاشەۆتىڭ يدەياسى ىسكە اسپايتىن بولدى. ۇكىمەت دەپۋتاتتىڭ جاستارعا ارناپ جاپپاي جاتاقحانا سالۋ جونىندەگى ۇسىنىسىن قابىلداماي قويدى.

ويتكەنى، اسحانا مەن اجەتحاناسى ورتاق باسپانالاردىڭ كەمشىلىگى كوپ دەيدى پرەمەر- مينيستر باقىتجان ساعىنتايەۆ، - دەپ حابارلايدى ك ت ك ارناسى.
ەڭ الدىمەن جاتاقحانادا تازالىق ساقتالمايدى جانە تۇرعىندار سانى كوپ بولعاندىقتان تىنىشتىق بۇزىلادى ەكەن. ونىڭ ۇستىنە بۇل بيۋدجەت ءۇشىن دە ارتىق شىعىن دەلىنگەن پرەمەردىڭ جاۋابىندا.
ەستەرىڭىزگە سالساق، ماجىلىسمەن ازات پەرۋاشەۆ قالالاردا ءۇيسىز قاڭعىپ جۇرگەن اۋىل جاستارىنا اسحاناسى مەن اجەتحاناسى ورتاق ءبىر بولمەلى جاتاقحانالار سالۋدى ۇسىنام دەپ داۋعا قالعان بولاتىن. ءبىراق ايتقانىنان تانباي وتىرعان دەپۋتاتتىڭ ويىنشا، بۇنداي باسپانالاردىڭ شارشى مەترى از. سوندىقتان، ونداي پاتەرلەردى ساتىپ الۋ 40 پايىزعا ارزانعا تۇسەتىن كورىنەدى.