بويجەتكەن كامپيتتەردىڭ وراماسىنان كويلەك تىگىپ الدى
ول ءتۇرلى- ءتۇستى كويلەگىن كيىپ تۇسكەن سۋرەتتەردى Facebook-تەگى پاراقشاسىنا جۇكتەدى. سۋرەتشى ەميلي سەيلحامەردىڭ (Emily Seilhamer) كۇيەۋى وعان Starburst كامپيتتەرىنەن العاش تانىسقان كۇنى ءدام تاتۋعا بەرگەن.
امەريكالىق بويجەتكەن سودان بەرى سۇيىكتىسىنىڭ جەگەن كامپيتتەرىنىڭ قاعازىن لاقتىرماي، جيناي بەرگەن. ءبىرشاما ۋاقىتتان كەيىن ءتۇرلى- ءتۇستى قاعازدار ءبىر قاپشىققا تولعان. سەيلحامەردىڭ ايتۋىنشا، كويلەكتى جاساۋ قيىنعا سوقپاعان، ءبىراق كوپ ۋاقىتىن العان.
ءاربىر ورامانى ول ۇتىكپەن تەگىستەپ، جىپپەن بايلانىستىرىپ وتىردى. سونداي-اق ول كويلەگىنىڭ ديزاينىن بىرنەشە رەت وزگەرتكەن.
سەبەبى Starburst كامپيتتەرىن ءوندىرۋشى كومپانيا بويجەتكەننىڭ كويلەگىنە قاجەتتى تۇستەگى قاپتامالاردىڭ ءوندىرىسىن بىرنەشە رەت توقتاتقان. Starburst كامپيتتەرىن Mars Incorporated كومپانياسى وندىرەدى، شتاب- پاتەرى ا ق ش- تىڭ ۆيردجينيا شتاتىندا ماكلين قالاسىندا ورنالاسقان.
