ەكسپو بيلەتتەرىن تەگىن الۋعا بولادى - مينيسترلىك

استانا. قازاقپارات - بۇگىن ۇكىمەت ۇيىندە وتكەن باسپا ءسوز ءماسليحاتىندا ق ر ينۆەستيتسيالار جانە دامۋ ۆيتسە- ءمينيسترى رومان سكليار ەكسپو بيلەتتەرىن قالايشا تەگىن الۋعا بولاتىنىن ءتۇسىندىرىپ بەردى،

 دەپ حابارلايدى قازاقپارات ءتىلشىسى.

 «قازاقستان تەمىرجولى» ۇلتتىق كومپانياسى قۇرامىنا كىرەتىن «جولاۋشىلار تاسىمالى» ا ق ەكسپو بيلەتتەرىن كوپتەپ ساتىپ الدى. بيلەتتەردىڭ باعاسى ءارتۇرلى، داتاسىنا قاراي 4-8 مىڭ تەڭگەنىڭ اينالاسىندا. مىنە، وسى بيلەتتەر جەڭىلدىكپەن بەرىلىپ جاتىر. پويىزعا بيلەت الساڭىز، ەكسپو بيلەتىن 45 پروتسەنتتىك جەڭىلدىكپەن الۋعا مۇمكىندىك بار. ال «تۇلپار- تالگوعا» بيلەت الىنسا، كورمە بيلەتى تەگىن بەرىلەدى»، - دەيدى سكليار.

 ۆيتسە- ءمينيستردىڭ ايتۋىنشا، ونداي جەڭىلدىكتەر بارلىق وبلىس ارالىق مارشرۋتتارعا تارالادى. ايتا كەتەيىك، استاناداعى ەكسپو حالىقارالىق كورمەسى كەزىندە 2 ميلليون 450 مىڭ ادام كەلىپ كەتۋى ءتيىس. سونىڭ ىشىندە ەل ايماقتارىنان كەلەتىن 1 ميلليون 800 مىڭ ادام بار. ۆيتسە- مينيستر سكليار قانداي دا ءبىر قولايسىز جاعدايلار بولسا، استانالىقتاردىڭ بارلىعىنا «ءوز ۇيىنە كەلگەن قوناقتاي قاراۋعا» ۇندەدى.

 اۆتور: ارمان اسقاروۆ