كانن كينوفەستيۆالىندە قازاقستاننىڭ ءبىرىنشى ۇلتتىق پاۆيلونى اشىلدى
العاشقى قازاقستاندىق پاۆيلون فەستيۆال سارايىنداعى Le Village International كينو نارىعى الاڭىندا ورنالاستى. فەستيۆالعا قازاقستاندىق دەلەگاتسيا قاتىسادى، دەپ حابارلايدى ق ر ا ك م باسپا ءسوز قىزمەتى.
ق ر مادەنيەت جانە سپورت مينيسترلىگى مەن «ەۋرازيا» حالىقارالىق كينوفەستيۆالى ۇيىمداستىرۋ كوميتەتىنىڭ قولداۋىمەن اشىلعان پاۆيلون جاڭا فيلمدەر مەن جوبالاردى دامىتۋ ماقساتىنداعى كاسىبي كەزدەسۋلەر مەن كەلىسسوزدەرگە جول اشادى. بەلگىلى حالىقارالىق كينوفەستيۆالدە قازاقستاندىق پاۆيلوننىڭ اشىلۋى كينو شىعارۋشى ەل رەتىندەگى ەلىمىزدىڭ بەدەلىن ارتتىرىپ، كينويندۋستريا سالاسىنداعى ارىپتەستىك مۇمكىندىكتەر مەن ىنتىماقتاستىق بايلانىستاردى كەڭەيتەدى.
وتاندىق پاۆيلون باعدارلاماسىندا قامتىلعان 2017 - جىلعى 22-28 - شىلدە ارالىعىندا استانا قالاسىندا ەكسپو-2017 كورمەسىندەگى « بولاشاقتىڭ ەنەرگياسى» باعدارلاماسى اياسىندا ق ر مادەنيەت جانە سپورت مينيسترلىگىنىڭ تاپسىرىسى بويىنشا وتكىزىلەتىن حالىقارالىق «ەۋرازيا» كينوفەستيۆالى تۇساۋكەسەرىنىڭ ماڭىزى زور. 19 - مامىر كۇنى فرانسيانىڭ ۇلتتىق كينەماتوگرافيا ورتالىعىندا ق ر مادەنيەت جانە سپورت ۆيتسە- ءمينيسترى اسقار باتالوۆتىڭ قاتىسۋىمەن قازاقستاننىڭ ۇلتتىق پاۆيلونىنىڭ اشىلۋىنا بايلانىستى رەسمي قابىلداۋ وتەدى. سونىمەن قاتار، كونسەرت ۇيىمداستىرىلىپ، وندا ونەر ۋنيۆەرسيتەتىندەگى كامەرالىق ىشەكتى ءانسامبلىنىڭ سۇيەمەلدەۋىمەن ايمان مۇساقوجايەۆا جانە ديماش قۇدايبەرگەنوۆ ونەر كورسەتەدى. پاۆيلون جۇمىسى ۇلتتىق فيلمدەردى قارجىلاندىرۋ جانە تاجىريبە الماسۋعا، قازاقستاندىق كينويندۋستريا جانە تۋريزم سالاسىن دامىتۋعا ىقپالدى ارىپتەستەر تارتۋعا مۇمكىندىك جاسايدى.
