ۇيگە قوناق كەلگەندە شىدايمىز عوي، ەكسپو دا سولاي - ۆيتسە- مينيستر سكليار

«ەستەرىڭىزدە بولسا، تۇران داڭعىلى بولماعاندا ءبارىمىز اۋەجايعا قابانباي باتىر داڭعىلىمەن بارىپ جۇردىك. قازىر تۇران دا بار، ماڭگىلىك ەلمەن دە اۋەجايعا جەتۋگە بولادى. قابانباي باتىردىڭ قوزعالىسى ءبىراز جەڭىلدەنىپ قالدى. سوندىقتان استانانىڭ كولىك كەشەنىن دامىتۋ شارالارى ويداعىداي اتقارىلىپ جاتىر دەۋگە بولادى. بۇگىندە مينيسترلىك تە اقشا ءبولىپ وتىرادى. بۇدان بولەك، جەرگىلىكتى بيۋدجەت بار. ەكسپو- عا دەيىن قالا كوشەلەرى تاپ- تۇيناقتاي بولۋى قاجەت. ارينە، قالادا تۇرىپ جاتقان ادامدار ءۇشىن ءبىراز قولايسىزدىقتار بولۋى ابدەن مۇمكىن. ول راس. دەگەنمەن، ودان دا ءوتۋ كەرەك. ەندى، وعان ۇيگە قوناق كەلگەندەي قاراۋ قاجەت دەپ ويلايمىن. ءۇش بولمەلى ءۇيدىڭ ەكى بولمەسىنە قوناقتار جايعاسقاندا قالاي جۇرەمىز، تۋرا سولاي ۋاقىتشا شىداي تۇرۋعا تۋرا كەلەدى. وعان تۇسىنىستىكپەن قارايىق»، - دەدى سكليار جۋرناليستەرگە بەرگەن سۇحباتىندا.
ايتا كەتەيىك، استاناداعى ەكسپو حالىقارالىق كورمەسى كەزىندە 2 ميلليون 450 مىڭ ادام كەلىپ كەتۋى ءتيىس. سونىڭ ىشىندە ەلىمىزدىڭ تۇكپىر- تۇكپىرىنەن كەلەتىن 1,8 ميلليون ادام بار. قازىرگى بولجامعا سايكەس، تەمىرجولمەن شامامەن 1,1 ميلليون ادام جەتسە، اۋە قاتىناسىمەن 161 مىڭ ادام ۇشىپ كەلەدى. اۆتوبۋسپەن شامامەن 350 مىڭ ادام كەلىپ كەتەدى. ال جەكە كولىكپەن 200 مىڭ ادام قاتىنايدى دەگەن بولجام بار. جالپى، اتالعان ءۇش كولىك قاتىناسىمەن استاناعا كۇن سايىن 20 مىڭ ادام كەلىپ وتىرادى.
اۆتور: ارمان اسقاروۆ