ۋشۋدان الەم چەمپيوناتىنا اتتاناتىن ق ر قۇراماسى جاساقتالدى - فوتو

استانا. قازاقپارات - ۋشۋدان الەم چەمپيوناتىندا قازاقستان نامىسىن قورعايتىن ۇلتتىق قۇراما جاساقتالدى، دەپ حابارلايدى قازاقپارات.

ق ر ۋشۋ قاۋىمداستىعىنان ءمالىم ەتكەندەي، ءۇش كۇن بويى استانادا ەلىمىزدىڭ تۇكپىر- تۇكپىرىنەن كەلگەن 300 گە جۋىق سپورتشى چەمپيون اتانۋ جانە ۋشۋدان الەم بىرىنشىلىگىندە قازاقستان اتىنان ونەر كورسەتۋ قۇقىعى ءۇشىن باق تالاستىردى.

اتاپ ايتقاندا، ۋشۋ-ساندادان اقتوبە، قاراعاندى، جامبىل، ماڭعىستاۋ وبلىستارىنىڭ، سونداي-اق استانا مەن الماتى قالالارىنىڭ وكىلدەرى جەڭىمپاز اتاندى. ايەلدەر اراسىندا جامبىل وبلىسىنداعى ۋشۋ مەكتەبىنىڭ تاربيەلەنۋشىلەرى ايمان قارشىعا مەن ءدىلناز ساليزوۆا، الماتىلىقتار ايان تۇرسىن، مەرۋەرت مۇحامەدجانوۆا، وڭتۇستىك قازاقستاندىق بالنۇر امىربەك بيىك تۇعىردان كورىندى.

«ەندىگىدە جاستارعا شەبەرلىكتەرىن بىردەن ءۇش باعىت بويىنشا شىڭداۋعا تۋرا كەلەدى: دەنە دايارلىعى، جاۋىنگەرلىك قارۋدى ۇيرەنۋ جانە ىشكى ەنەرگەتيكانى قوسا وتىرىپ، تەحنيكالىق ءادىس- تاسىلدەردى مەڭگەرۋ»، - دەدى قازاقستانداعى ق ح ر ەلشىسىنىڭ كەڭەسشىسى ليۋ جيان پين.

ەسكە سالايىق، ۋشۋدان ق ر قۇراماسى بيىلعى جىلدىڭ قىركۇيەگىندە رەسەيدىڭ قازان قالاسىندا وتەتىن الەم چەمپيوناتىنا اتتانادى.

اۆتور: ميرا تولەندى قىزى