ۇكىمەت باسشىسى حالىققا مەملەكەتتىك قىزمەت كورسەتۋدى جەتىلدىرۋ جونىندە كەڭەس وتكىزدى

استانا. قازاقپارات - ۇكىمەت ۇيىندە ق ر پرەمەر-ءمينيسترى باقىتجان ساعىنتايەۆ حالىققا مەملەكەتتىك قىزمەت كورسەتۋ ۇدەرىستەرىن جەتىلدىرۋ جونىندە كەڭەس وتكىزدى، دەپ حابارلايدى ق ر ۇكىمەتىنىڭ باسپا ءسوز قىزمەتى.

كەڭەس بارىسىندا «ازاماتتارعا ارنالعان ۇكىمەت» مەملەكەتتىك كورپوراتسياسىنىڭ مەملەكەتتىك قىزمەت كورسەتۋ ۇدەرىستەرىن اۆتوماتتاندىرۋ جانە وعان جاڭا تاسىلدەردى ەنگىزۋ ماسەلەلەرى تالقىلاندى.

«قازاقستاننىڭ ءۇشىنشى جاڭعىرۋى: جاھاندىق باسەكەگە قابىلەتتىلىك» اتتى حالىققا جولداۋىنداعى مەملەكەت باسشىسىنىڭ تاپسىرمالارىن ىسكە اسىرۋ ماقساتىندا «ازاماتتارعا ارنالعان ۇكىمەت» مەملەكەتتىك كورپوراتسياسى جۇگىنگەن ازاماتتىڭ مىندەتتى جەكە قاتىسۋىنسىز پرواكتيۆتى قىزمەت كورسەتۋگە كوشۋ تەتىگىن ەنگىزۋدى جوسپارلاۋدا.

بۇدان وزگە، حالىقارالىق تاجىريبەنى ەسكەرە وتىرىپ، ءبىرىڭعاي قىزمەت كورسەتۋ ورتالىعىن قۇرۋ تۇجىرىمداماسى ازىرلەندى.

ايتا كەتەيىك، پرواكتيۆتى قىزمەت كورسەتۋدى جۇزەگە اسىرۋدى 2018-2020 -جىلدارى «تسيفرلىق قازاقستان» مەملەكەتتىك باعدارلاماسى اياسىندا «پرواكتيۆتى مەملەكەت» باعىتى بويىنشا جۇزەگە اسىرۋ جوسپارلانعان.

ەسكە سالساق، «ازاماتتارعا ارنالعان ۇكىمەت» مەملەكەتتىك كورپوراتسياسى ق ر ۇكىمەتىنىڭ 2016 -جىلعى 29 -قاڭتارداعى قاۋلىسىمەن قۇرىلعان جانە مەملەكەتتىك قىزمەت كورسەتۋدىڭ ءبىرىڭعاي پروۆايدەرى بولىپ تابىلادى. قازىرگى تاڭدا قىزمەت كورسەتۋ تىزىلىمىندە 723 مەملەكەتتىك قىزمەت كورسەتۋ بار، ولاردىڭ 548 ى مەملەكەتتىك كورپوراتسيا ارقىلى قولجەتىمدى.