21:56, 18 - مامىر 2017 | GMT +5
يسلام ويىندارى: ازات ماحمەتوۆ قازاقستان قورجىنىنا العاشقى التىندى سالدى
باكۋ. قازاقپارات - باكۋدە ءوتىپ جاتقان IV يسلام ىنتىماقتاستىق ويىندارىندا قازاقستاندىق بوكسشى ازات ماحمەتوۆ ماروككالىق قارسىلاسىن 4.1 ەسەبىمەن جەڭىپ، قازاقستان قورجىنىنا العاشقى التىن مەدالدى سالدى دەپ حابارلايدى «قازاقپارات» ح ا ا ازەربايجانداعى مەنشىكتى ءتىلشىسى.

بۇل مەدال يسلام ىنتىماقتاستىق ويىندارىنداعى قازاقستاندىقتاردىڭ العاشقى التىنى. ەسكە سالا كەتەيىك، 12-22- مامىر ارالىعىندا ازەربايجان استاناسى باكۋدە IV يسلام ىنتىماقتاستىق ويىندارى وتۋدە. ويىندارعا 54 ەلدەن شامامەن 3500 سپورتشى قاتىسۋدا. قازاقستان اتىنان بەس باعىت بويىنشا 32 سپورتشى ەل نامىسىن قورعاۋدا.