قارجى ءمينيسترى زەينەتاقىنى ارتتىرۋعا بولىنگەن قارجىنىڭ سوماسىن جاريالادى

استانا. قازاقپارات - ق ر پارلامەنتى ماجىلىسىندە ۇكىمەتتىڭ 2016 - جىلعا رەسپۋبليكالىق بيۋدجەتتىڭ اتقارىلۋى تۋرالى ەسەبىن تانىستىرۋ بارىسىندا قارجى ءمينيسترى باقىت سۇلتانوۆ زەينەتاقىنى ارتتىرۋعا قانشا قارجى بولىنگەندىگىن مالىمدەدى،
None
None

 دەپ حابارلايدى قازاقپارات.

 «بەكىتىلگەن بيۋدجەتتىڭ شىعىستارى ەكى رەت ناقتىلانۋدىڭ ناتيجەسىندە 980 ميلليارد تەڭگەگە كوبەيگەن بولاتىن. بيۋدجەتتىڭ وسىنداي ۇلعايۋى، بىرىنشىدەن، الەۋمەتتىك سالاعا قارجىنى كوبەيتۋگە مۇمكىندىك بەردى. شىعىستاردىڭ جارتىسى، ياعني 4 تريلليون تەڭگەسى الەۋمەتتىك بولىپ تابىلادى»، - دەدى مينيستر.

اتاپ ايتقاندا، 1 - قاڭتاردان باستاپ زەينەتاقى مولشەرى 9 پايىزعا كوبەيدى.

«زەينەتاقىنى تولەۋگە بيۋدجەتتەن  1353 ميلليارد تەڭگە قارجى ءبولىندى. ازاماتتىق قىزمەتكەرلەردىڭ جاڭا ەڭبەكاقى جۇيەسى مودەلىن ەنگىزۋگە 290 ميلليارد تەڭگە ءبولىندى. بالا تۋۋعا جاردەماقى 438 مىڭ الۋشىعا تولەنىپ، وعان 33 ميلليارد تەڭگە جۇمسالدى»، - دەدى سۇلتانوۆ.

 اۆتور: رۋسلان عابباسوۆ

سوڭعى جاڭالىقتار