جىنىستىق قاتىناس جەتىسپەۋشىلىگىنەن جاپون حالقىنا جويىلۋ قاتەرى ءتونىپ تۇر
عالىمداردىڭ ەسەبىنە قاراعاندا، جاپونيادا 127 ميلليونعا تاياۋ حالىقتىڭ 2065 -جىلى 40 ميلليونى عانا قالۋى مۇمكىن. 1899 -جىلدان بەرى، عالىمداردىڭ ەسەبىنشە، 2016 -جىلى جاپونيادا تۇڭعىش رەت ءبىر ميلليوننان از بالا دۇنيەگە كەلگەن.
مۇنداي اپات جاعدايىنا نەگىزگى سەبەپتەردىڭ ءبىرى رەتىندە ۇيلەنبەگەن ەر ادامداردىڭ 70 پايىزىندا جانە تۇرمىس قۇرماعان ايەلدەردىڭ 60 پايىزىندا جىنىستىق قاتىناستىڭ جەتكىلىكسىزدىگى تىركەلگەنى اتالىپ وتىر.
ماماندار جاس ۇرپاقتىڭ بارا- بارا وتباسى قۇرۋعا جانە دۇنيەگە بالا اكەلۋگە قۇلىقسىزدىق تانىتىپ وتىرعانىن ايتادى. گارۆارد الەۋمەتتانۋشىسى مەري برينتون ەكىنشى دۇنيەجۇزىلىك سوعىستان كەيىن جاپون قوعامى «ەر ادام - جۇمىس ىستەيدى، ايەل - بالا تاربيەلەيدى» دەگەن قالىپتاسقان ەرەجە بويىنشا ءومىر سۇرگەنىن ايتىپ وتىر.
ال قازىرگى قوعامدا ايەلدەر ەڭبەك نارىعىنا بەلسەندى ارالاسىپ جاتىر. سوندىقتان وتباسى جۇپتارىنا بالامەن ءومىر ءسۇرۋ قيىنعا سوعىپ وتىر ەكەن. «جاپونيادا وتباسى ءولىپ جاتىر»، - دەپ مالىمدەدى الەۋمەتتانۋشى. وسىنداي پروبلەماعا ا ق ش، دانيا، قىتاي جانە سينگاپۋر ۇرىنادى دەلىنەدى. الايدا جاپونيانىڭ بولاشاعى قالعاندارىنا قاراعاندا كۇڭگىرت دەيدى عالىمدار.
