19:09, 17 - مامىر 2017 | GMT +5
الەمدەگى ەڭ كىشكەنتاي ەرگەجەيلى جۇپتاردىڭ ءبىرى دۇركىرەتىپ توي وتكىزدى - فوتو
استانا. قازاقپارات - 30 جاستاعى رادجەش كۋمار مەن ونىڭ 30 جاستاعى عاشىعى شەليا كۋماري ءۇندىستانداعى ەڭ كىشكەنتاي جاس جۇبايلار اتاعىنا يە بولدى.
ولار حيماچال- پرادەش شتاتىندا دۇركىرەتىپ توي وتكىزدى. بۇل تۋرالى NUR. KZ پورتالى news2read.com سايتىنا سىلتەمە جاساپ حابارلايدى.
ولاردىڭ بويى 76 سانتيمەتردەن اسپايدى. ەكەۋى ءومىر- باقي تەڭىن تاپپاي، جالعىز بولۋدان قورىققاندارىن جاسىرمايدى. الايدا ولاردىڭ وتباسى ەكەۋىن تابىستىرىپ، باقىتتى ەتكەن.
ءبىر قىزىعى، رادجەش پەن شەليا ءبىر وڭىردە تۇرىپ كەلىپتى. ءبىر- ءبىرىن جولىقتىرۋ تاعدىرمەن جازىلعانىنا سەنەتىن جۇپ دۇركىرەتىپ توي وتكىزدى.
"مەن وزىمە لايىق جار تاپقانىما باقىتتىمىن"، - دەيدى شەليا.
رادجەش تە شەليانى جولىقتىرعانىنا ەرەكشە باقىتتى ەكەنىن العا تارتتى.
