بوكسشى سوندەرس قارسىلاسىنىڭ باپكەرىمەن باستەستى
گەننادي گولوۆكين ءدال وسى اتاق ءۇشىن تالاسىپ، ورتا سالماقتا ابسوليۋتتى چەمپيون اتانۋدى كوزدەيدى، دەپ حابارلايدى قازاقپارات ءتىلشىسى.
سوندەرس تە الداعى گولوۆكين - الۆارەس جەكپە-جەگىنىڭ جەڭىمپازىمەن كەزدەسۋدى قالايدى. الايدا وعان الدىمەن 8- شىلدە كۇنى گرۋزين بوكسشىسى اۆتانديل حۋرتسيدزەگە (32-2-2، 22 KO) قارسى جەكپە-جەكتە ءوز تيتۋلىن قورعاپ شىعۋ قاجەت.
وسى كەزدەسۋگە ارنالعان كەشەگى باسپا ءسوز ءماسليحاتىندا سوندەرس ءوز قارسىلاسىن ءبىراز سىناپ، نامىسىنا تيەتىن سوزدەردى دە ايتتى. اعىلشىن ءتىلىن بىلمەيتىنى ءۇشىن ءتيىستى.
وعان حۋرتسيدزەنىڭ باپكەرى اندرە روزە شىداي الماي: «مەن سەنىڭ دورەكى ەكەنىڭدى جاقسى بىلەمىن. شاكىرتىم سەنى جەڭۋ ءۇشىن كەلدى. ەرتەڭ سەنىڭ بەتىڭدى ايمانداي ەتكەن كەزدە كورەرمىز»، - دەپ اشۋلاندى.
سوندەرس تە قاراپ قالعان جوق. قارسىلاسىنىڭ باپكەرىنە باستەسۋدى ۇسىندى. شارتى - سوندەرس جەڭسە، باپكەردىڭ گونورارىن الادى. ال حۋرتسيدزە جەڭىمپاز اتانسا، بيللي ءوز گونورارىن قارسىلاسىنىڭ باپكەرىنە بەرۋگە ءازىر. اندرە روزە ءوز كەلىسىمىن بەردى.
ايتا كەتەيىك، ۇلىبريتانيالىق بوكسشى سوندەرس ءوزىنىڭ دورەكى مىنەزىمەن تالاي رەت كوزگە تۇسكەن. گەننادي گولوۆكينگە دە ءتيىسىپ، سىن ايتقان. ءتىپتى، GGG دوپينگ قابىلدايدى دەگەن ەمەۋرىن دە جاسادى.
اۆتور: ارمان اسقاروۆ
