اڭىزدىڭ اقيقاتى: اراب امىرلىگىندەگى وتباسى، ماحاببات، ۇيلەنۋ تويى جايلى بار شىندىق
بۇل تۋرالى vmirechudes.com سايتى جازدى.
ال ءسىز بىلەسىز بە، ولاردىڭ ەڭ ۇلكەن بايلىعى- وتباسى ەكەنىن؟ اراب ايەلى وتباسىنىڭ شىراعىن سوندىرمەي ۇستايتىن نەگىزگى تۇلعا، ءارى وتباسىن ساقتاۋدا، بالالارىن كوبەيتۋدە سىڭىرگەن ەڭبەگى ءۇشىن ونى اينالاسىنداعىلار قاتتى قۇرمەتتەيدى. اراب ايەلى دۇنيەگە كوپ بالا اكەلگەنىنە قاراي باقىتتى بولىپ ەسەپتەلەدى. بىرىككەن اراب امىرلىگىندەگى قاراپايىم ءبىر وتباسىنىڭ ءومىرىن نازارلارىڭىزعا ۇسىنامىز.
تانىسۋ تۋرالى شىندىق
جىگىت ۇسىنىس جاساعان قىز ءوز قالاۋىمەن ودان باس تارتا الادى. دەگەنمەن قالىڭدىقتى تاڭداۋ، وعان قۇدا ءتۇسۋ، ۇيلەنۋ تۋرالى سوڭعى شەشىمدى جىگىتتىڭ وتباسى شەشەدى.
اراب قىزدارى ەۋروپالىقتارعا، ءدىنى بولەك ۇلت وكىلىنە تۇرمىسقا شىعابەرمەيدى. شىققان جاعدايدا ءوز ەلىنە قايتا كىرۋىنە زاڭمەن شەكتەۋ قويىلادى. ەگەر اراب جىگىتى وزگە ۇلت وكىلىنە، ءدىنى بولەك قىزعا ۇيلەنەر بولسا، ول وتباسى تەك سونىڭ قولىندا بولادى. مۇنداي كەزدە شەتەلدىك كەلىن ب ا ءا ازاماتتىعىن الا المايدى. اجىراسقان جاعدايدا بالالارى اكەسىمەن قالادى.
توي شىندىعى
نەكە كەلىسىمى - اراب تويىنىڭ ءسانى ءارى نەگىزگى جورالعىسى. كەلىنمەن بىرگە نەكە كەلىسىمىنە ونىڭ ەكى تۋىسى قول قويادى.
وسى كەلىسىم جاسالعاننان كەيىن جاستاردىڭ تويى ءبىر جىلدىڭ ىشىندە وتكىزىلۋى كەرەك. تويعا دەيىن كۇيەۋ جىگىت قالىڭدىعىمەن تەك تۋىستارىنىڭ قاتىسۋىمەن كەزدەسە الادى. قالىڭمال قۇنى ءجۇز مىڭداعان دوللاردان اسىپ جىعىلادى.
اراب تويىنىڭ سالتاناتى وزگە ەلدىڭ جيىنىنان ەرەكشە. وندا قوناقتاردىڭ تالعامىنا قاراي اس ءمازىرى دە الۋان ءتۇرلى.
ساعات سايىن الدىڭىزعا قويىلعان اس جاڭارتىلىپ تۇرادى. بۇل ارينە كۇيەۋ جىگىت وتباسىنىڭ قوناقجايلىلىعى مەن بايلىعىن كورسەتەتىن ءسات. يسلام ءدىنى سپيرتتى ىشىمدىككە تىيىم سالعاندىقتان، داستارحانداعى ەڭ اشى سۋسىن كوفە بولادى. توي جەتى كۇن بويى جالعاسادى.
وتباسىنداعى ءتارتىپ جايلى شىندىق
اراب ايەلى وتباسىندا كۇيەۋىنەن كەيىنگى ادام. ول ۇنەمى كۇيەۋىن تىڭداۋعا مىندەتتى. ءبىراق ماڭىزدى شەشىمدەر قابىلدايتىن كەزدە اقىل قوسۋىنا، ءوز ويىن جەتكىزۋگە قۇقىلى.
ب ا ءا تۇرمىستاعى ايەلدەر قاماۋداعىداي ءومىر سۇرەدى دەگەنگە سەنبەڭىز. زاڭ بويىنشا تۇرمىستاعى ايەل قىسقا، اشىق- شاشىق كيىمدەردى كيە الادى. اراب ايەلدەرى وتە سانگە اۋەس، كيىم، ماتا الۋ ءۇشىن كۇنى بويى دۇكەن ارالاۋعا دا بارادى. ءبىراق، ۇيدەن شىعار كەزدە جىبەكتەن تىگىلگەن قارا جامىلعىنى جاۋىپ، بەتتەرىن قارا تورمەن بۇركەپ الادى. وزگە ادامدار بۇل ايەلدەردىڭ ساۋساعىن، كوزىن، اياعىنىڭ باشپايلارىن عانا كورە الادى. قالعان سۇلۋلىقتىڭ بارلىعى- كۇيەۋىنە.
سوڭعى جىلدارى اراب ايەلدەرى قارا جىبەك جامىلعىنى دجينسىي مەن وزگە دە ءتۇرلى كيىمدەرگە اۋىستىرعان. تەك باستاعى ورامال مەن كەڭ ءارى جابىق كيىم بولسا بولعانى.
اراب ايەلدەرى ءتۇرلى ۋنيۆەرسيتەتتەردە جوعارى ءبىلىم الادى. ولار الەمنىڭ ەڭ مىقتى وقۋ ورىندارىندا وقيدى. ءبىراق ءبىلىمىن تەك بالا تاربيەسىنە جۇمسايدى. سەبەبى اراب ايەلىنىڭ جۇمىس ىستەۋىنە كوپ جاعدايدا كۇيەۋى تىيىم سالادى، كەيدە كەلىنشەكتەردىڭ وزدەرى باس تارتادى. ويتكەنى ولار ءبىر بالانى اياققا تۇرعىزعاننان كەيىن ەكىنشىسىن جوسپارلايدى.
ەۋروپا ەلدەرىندە ءبىلىم العان قىزدار جۇمىس ىستەۋ ءۇشىن سول ەلدە قالىپ قويىپ جاتادى ەكەن. ولار ءباا تۇراتىن حالىققا قاراعاندا ىرىم- تىيىمداردى ايتارلىقتاي ۇستانبايتىن كورىنەدى.
اجىراسۋ جايلى شىندىق
دىنگە ساي اراب ەر ازاماتى ايەلىنە كەز-كەلگەن ۋاقىتتا ءۇش مارتە «تالاق» ءسوزىن ايتا الادى. وسى ءسوزدى الىسىمەن ايەل ۇستىندەگى كيىمىمەن كۇيەۋىنىڭ ۇيىنەن شىعىپ كەتۋى كەرەك. سوندىقتان اراب ايەلدەرى وزىندەگى بار التىندى تاعىنىپ جۇرەدى ەكەن.
ەرلەر ايەلدەرىنە گۇلدىڭ ورنىنا باعالى تاستارمەن كومكەرىلگەن التىن بۇيىمداردى سىيلايدى ەكەن. سىيلىقتىڭ باعاسىنا قاراي كۇيەۋىنىڭ ماحابباتىن ولشەۋگە بولادى. ارابتاردا التىنسىز ايەل- جالاڭاش دەگەن تۇسىنىك بار.
ايەلدەر تەك ەكى جاعدايدا عانا اجىراسۋعا نيەت بىلدىرۋگە قۇقىلى.
ول- كۇيەۋى وپاسىزدىق جاساسا. ءبىراق، بۇل ەلدە كوپ ايەل الۋعا زاڭمەن رۇقسات ەتىلگەن. سوندىقتان كۇيەۋى ايەلىن الداۋ جاعدايى كوپ بولا قويمايدى. ودان قالسا ءوز كۇيەۋىن ماسقارالاعان ايەلدى باسقا ادام ايەلدىككە الماۋى مۇمكىن. سوندىقتان ايەلدەر مۇنداي جاعدايدى كورسە دە اجىراسۋعا بارمايدى ەكەن.
ەكىنشى جاعداي- كۇيەۋى ايەلىنە التىن سىيلاماسا، مەيرامحاناعا شاقىرماسا، ءۇي سالىپ بەرمەسە. سوت مۇنداي كەزدە ءىستى ماي شاممەن قاراپ، ايەلدىڭ قۇقىعىن قورعايدى ەكەن.
كوپ ايەل الۋدىڭ شىندىعى
مۇسىلماندا ءتورت ايەل الۋعا رۇقسات بار. دەگەنمەن سوڭعى كەزدەرى اراب جىگىتتەرى ءتورت ايەلدى بىردەي الابەرمەيدى. سەبەبى ولاردىڭ بارلىعىنا ورتاق كۇيەۋى بىردەي جاعداي جاساۋعا مىندەتتى. سوندىقتان ەڭ باي ادامدار عانا ءتورت ايەل الادى. كەي جىگىتتەر كوڭىلدەس رەتىندە قارىم- قاتىناستارىن زاڭداستىرماي جۇرەبەرەدى.
اراب جىگىتى كوپ ايەل الاتىن بولسا ولاردىڭ بارلىعىنا بىردەي جاعداي جاساۋعا مىندەتتى. ايەلدەردىڭ بارلىعىنا بىردەي ءزاۋلىم ءۇي، اي سايىنعى بىردەي سىيلىق پەن بىردەي قاراجات ءبولىپ وتىرۋى كەرەك.
ءار ايەلگە باراتىن ۋاقىتى الدىن الا ۇلكەن وتباسىندا تالقىلانىپ، كەلىسىلەدى. جاس ايەلىنە جاڭا ءۇي الۋى كەرەك. ول وزگەلەردىڭ ۇيىنەن ارزان نەمەسە قىمبات بولماۋى كەرەك. وتباسىندا، بالالاردا ءبىر جاعداي بورلسا، ونىڭ بارلىعىن كۇيەۋى شەشۋگە مىندەتتى.
كورىپ تۇرعانىمىزداي اراب وتباسىندا وتباسىلىق ءبىرىن-ءبىرى قولداۋ مەن ءومىر ءسۇرۋ ادەبى وزگە ەلدەردەن مىقتىراق. ەگەر ايەل جەسىر قالسا وعان كۇيەۋىنىڭ تۋىسى ۇيلەنەدى. بالالارىن باعىپ، ءوزىن جالعىزسىراتپاۋعا مىندەتتى.
وسىنداي تارتىپكە باعىنىپ ۇيرەنگەن اراب قىزدارى وسىنداي بارشىلىقتا ءومىر سۇرەدى. ولاردىڭ باستى ماسەلەسى ادەمى ءجۇرۋ، كوپ بالانى ومىرگە اكەلۋ.
اراب ۇلتىنىڭ وكىلىمەن نەكەلەسۋ جايلى نە ويلايسىز؟
