عالىمدار جاقىن ارادا اقىرزامان بولاتىنىن ايتىپ، دابىل قاقتى

استانا. قازاقپارات - پولشا عىلىم اكادەمياسىنداعى يادرولىق فيزيكا ينستيتۋتىنىڭ عالىمدارى جاقىن ارادا اقىر زامان بولۋى مۇمكىن ەكەنىن ايتىپ، دابىل قاقتى.

بۇل تۋرالى NUR. KZ پورتالى eurekalert.org سايتىنا سىلتەمە جاساپ حابارلايدى.

ولار 15- مامىر كۇنى اياقتالعان ۇلكەن ادروندىق كوللايدەر اتتى قۇرىلعىنىڭ سىناقتارى بۇكىل جەر شارىن جۇتىپ قويۋى مۇمكىن قارا قۇردىمدى تۋدىرادى دەپ قورقىپ وتىر.

اتومدىق بولشەكتەردى جىلدامداتۋدى كوزدەيتىن قۇرىلعى وسىنداي اۋىر سالدارعا اكەلىپ سوقتىرادى دەپ سەنەتىندەرگە وزگە عالىمدار كەلىسپەۋشىلىك بىلدىرۋدە. ولار كەرىسىنشە بۇل سىناقتار عىلىم سالاسىندا زور ىلگەرىلەۋگە سەپتىك بولارىن العا تارتتى.

دەگەنمەن ءبىرقاتار عالىمدار كوللايدەر الەمدى جويماسا دا، تىلسىم كۇشتەر مەن قارا كۇش يەلەرىنىڭ ءبىزدىڭ الەمىمىزگە ەنۋىنە قاقپا اشاتىنىن بولجاپ وتىر.

بريتانيالىق استروفيزيك ستيۆەن حوكينگ بۇعان دەيىن سىناق جۇرگىزىپ جاتقان عالىمدارعا ميروسكوپيالىق قارا قۇردىمدى تۋدىرۋى مۇمكىن ەكەندەرىن ەسكەرتۋمەن بولعان. بولجامىنىڭ راستالاتىنىن تاعاتسىز كۇتىپ وتىرعان حوكينگ وسىلايشا فيزيكادان نوبەل سىيلىعىنا يە بولاتىنىن ايتىپ، ازىلدەدى.