ازەربايجان تاۋلى قاراباقتىڭ زىمىراننان قورعانىس جۇيەسىنە سوققى جاسادى
تاۋلى قاراباق رەسمي تۇردە ازەربايجاننىڭ ءبىر بولىگى سانالعانىمەن، ارمەنيا قولدايتىن سەپاراتيستەر ونى 1990 -جىلداردىڭ باسىنداعى 30 مىڭعا تارتا ادام قۇربان بولعان سوعىستا باقىلاۋعا العان.
شيرەك عاسىرعا سوزىلعان جانجالدى ديپلوماتيالىق جولمەن شەشۋ تالپىنىستارىنان ەرەكشە ناتيجە شىعا قويعان جوق. ازەربايجاننىڭ قورعانىس مينيسترلىگى سوققى ناتيجەسىندە «وسا» زىمىراننان قورعانىس جۇيەسى قيراپ، وعان قىزمەت ەتەتىن اسكەريلەردىڭ قازا تاپقانىن حابارلادى. مينيسترلىك باقىلاۋ ايماعى سىزىعىنىڭ بويىندا زىمىراننان قورعانىس جۇيەسىن ورناتۋدىڭ ارانداتۋ جانە ازەربايجان ۇشاقتارى ءۇشىن قاۋىپتى ەكەنىن ايتادى.
تاۋلى قاراباق بيلىگى جۇيەگە زاقىم كەلگەنى تۋرالى اقپاراتتى راستادى، ءبىراق ادام شىعىنى بولعانىن جوققا شىعاردى. تاۋلى قاراباق بيلىگى رەسمي كوممەنتاريىندە «ارانداتۋشىلىقتىڭ جازاسىز قالمايتىنىن» ەسكەرتتى.
www.azattyq.org
