ەكونوميكامىز ءوسىپ كەلەدى دەپ ارقانى كەڭگە سالماۋىمىز كەرەك - باقىتجان ساعىنتايەۆ
دەپ حابارلايدى قازاقپارات.
ءوز كەزەگىندە ق ر پرەمەر- ءمينيسترى باقىتجان ساعىنتايەۆ بوساڭسىماي، قول جەتكىزىلگەن جەتىستىكتى ارى قاراي ورىستەتۋدى تاپسىردى.
«قورىتىندىداعى مالىمەتتەر جالپى جامان ەمەس، ءبىراق ءتورت ايدا بولعان جەتىستىكتەر ءبىزدى بوساڭسىتپاۋى كەرەك. قازىر مينيستر (ق ر ەكونوميكا ءمينيسترى تيمۋر سۇلەيمەنوۆ - اۆت.) بازا سونشالىقتى كوپ بولماعانىن دا ايتتى، ءبىراق نەگىزگى جۇمىس ەكىنشى جارتىجىلدىقتا ورىن الادى. سوندىقتان بارلىعىمىزعا - ورتالىق جانە جەرگىلىكتى اتقارۋشى ورگاندارعا مەملەكەت باسشىسى قويعان مىندەتتەردى جۇزەگە اسىرۋدى جالعاستىرۋ قاجەت. وسى ورايدا، ق ر ينۆەستيتسيالار جانە دامۋ مينيسترلىگىنە وڭدەۋشى ونەركاسىپتەگى قالىس قالىپ كەلە جاتقان سالالارداعى جاعدايدى تۇزەتۋگە كوڭىل اۋدارۋى ءتيىس»، - دەدى ۇكىمەت باسشىسى.
تيمۋر سۇلەيمەنوۆتىڭ ويىنشا، اتالمىش كورسەتكىشتەر جىل بويىنا ساقتالمايدى. سەبەبى 2016 -جىلدىڭ العاشقى 5 ايىندا ج ءى ءو ءاردايىم قۇلدىراپ كەلدى جانە 0,2 پايىزعا دەيىن جەتكەن بولاتىن. سوندىقتان تومەنگى بازا ەففەكتىسى ساقتالادى.
«سوندىقتان العاشقى جارتىجىلدىقتا بۇل ەففەكت تولىقتاي سارقىلادى جانە جىلدىڭ 2,5 پروتسەنتتىك وسىمگە قول جەتكىزۋ ءۇشىن ءوسىمنىڭ جاڭا قورلارىن ىزدەستىرۋىمىز كەرەك بولادى»، - دەپ ءتۇيدى ت. سۇلەيمەنوۆ.
اۆتور: جاسۇلان جولدىبايەۆ
