08:55, 16 - مامىر 2017 | GMT +5
قىتايدا ءيت تىرىدەي جەرلەنگەن ءسابيدى قۇتقاردى
استانا. قازاقپارات - قىتايداعى تيانجيڭ قالاسىندا ءيت تىرىدەي جەرلەنگەن نارەستەنى قۇتقاردى.
يەسىنىڭ ايتۋىنشا، ءيتى تاباندارىمەن بار كۇشىن سالا جەردى قازىپ جاتقانىن بايقايدى. قازىلعان شۇڭقىرعا جاقىنداپ كەلگەن ول جەردە اق ماتاعا وراپ تاستاعان، شىرىلداپ جىلاپ جاتقان ءسابيدى كورگەن، دەپ حابارلايدى Sun.
قۇتقارىلعان شاقالاقتىڭ دۇنيەگە كەلگەنىنە ءبىر عانا اي بولعان كورىنەدى. جۇرەك سوعىسى السىرەگەن، دەنە قىزۋى تومەندەگەن نارەستە شۇعىل اۋرۋحاناعا جەتكىزىلدى.
قازىر ول دارىگەرلەردىڭ قاراۋىندا، بىرتىندەپ جازىلىپ كەلەدى. پوليتسيا ونىڭ تۋعان-تۋىستارىن ىزدەستىرىپ جاتىر. الدىن الا بولجام بويىنشا، ءسابيدىڭ اتا-اناسى ونى قايتىس بولدى دەپ ەسەپتەپ جەرلەگەن بولۋى ىقتيمال.
