07:48, 15 - مامىر 2017 | GMT +5
كوكپاردى كوپقاباتتى ءۇيدىڭ ىشىنە دەيىن جىلقىسىمەن كىرگىزگەن جىگىتتىڭ ۆيدەوسى پايدا بولدى - كەسكىن
استانا. قازاقپارات - قازنەتتە كوكپاردى كوپقاباتتى ءۇيدىڭ ىشىنە دەيىن جىلقىسىمەن كىرگىزگەن جىگىتتىڭ ۆيدەوسى پايدا بولدى.
ۆيدەو Instagram جەلىسىندەگى kazakh_video پاراقشاسىندا پايدا بولدى. وقيعا قازاقستان قالالارىنىڭ بىرىندە بولعان. روليكتە جىلقى مىنگەن ەر ادامنىڭ كوپقاباتتى ءۇيدىڭ باسپالداعىمەن كوتەرىلىپ بارا جاتقانى تۇسىرىلگەن. جارتى تاۋلىك ىشىندە ۆيدەونى 30 مىڭعا جۋىق ادام كورگەن.
پىكىر جازعانداردىڭ ءبىرقاتارى مۇنىڭ جابايىلىق ەكەنىن ايتىپ، سوگىپ جاتسا، تاعى بىرەۋلەرى مۇنىڭ ۇلتتىق سالت-ءداستۇر ەكەنىن ايتىپ جاتىر.
ايتا كەتەيىك، كوكپاردىڭ دودا ادىسىندە وسىنداي ەرەكشەلىك بار. كوكپار تارتۋشى ونى ەرەكشە ءبىر جاقسىلىعى بار ۇيگە اپارىپ تاستايدى. سالت بويىنشا ول ءۇي جاڭا كوكپار بەرەدى. وسىدان ارعى كوكپاردىڭ ءبارى دودا ادىسىمەن وتەدى.
دەرەككوز: Tengrinews.kz
Зачем 🤦♂️?#kazakh_video
