قازاقستاننان قىتايعا بال ەكسپورتى جونىندە كەلىسىم جاسالدى
قۇجاتقا ق ر اۋىل شارۋاشىلىعى ۆيتسە-ءمينيسترى گۇلميرا يسايەۆا مەن ق ح ر- دىڭ ساپانى قاداعالاۋ، ينسپەكسيا جانە كارانتين جونىندەگى باس باسقارماسىنىڭ (س ق ي ك ب ب) ءتوراعاسى جي شۋپين قول قويدى.
«وتكەن جىلدىڭ جازىندا سقيكبب ينسپەكتورلارى قازاقستاندا بولىپ، شىعىس قازاقستانداعى ومارتاشىلارمەن كەزدەسكەن بولاتىن. ولار بىزدە وندىرىلەتىن بالدىڭ الۋان تۇرلىلىگىنە تاڭعالعان ەدى»، - دەپ اتاپ ءوتتى ق ر اۋىل شارۋاشىلىعى ءمينيسترىنىڭ ورىنباسارى گ. يسايەۆا.
ونىڭ ايتۋىنشا، حاتتامادا بۇعان دەيىن ءوزارا اقىلداسىپ، زەردەلەنگەن بارلىق قاجەتتى تالاپتار قامتىلعان.
«بۇل وتە ماڭىزدى. سەبەبى ءبىزدىڭ فەرمەرلەر قىتايلىق نارىقتىڭ تالابىن بىلە وتىرىپ، بالدى ەكسپورتتاۋعا مۇمكىندىك الدى»، - دەپ اتاپ ءوتتى ول. كەلىسىم قازاقستان پرەزيدەنتى نۇرسۇلتان نازاربايەۆتىڭ قىتاي حالىق رەسپۋبليكاسىنا ساپارى بارىسىندا جاسالدى.
كەشە بەيجىڭدە «ءبىر بەلدەۋ، ءبىر جول» ستراتەگياسى شەڭبەرىندە حالىقارالىق ىنتىماقتاستىق بويىنشا جوعارى دەڭگەيدەگى ەكى كۇندىك فورۋم ءوز جۇمىسىن باستادى. وعان 29 مەملەكەتتىڭ جانە 3 ءىرى حالىقارالىق ۇيىمنىڭ (ب ۇ ۇ، دۇنيەجۇزىلىك بانك، حالىقارالىق ۆاليۋتا قورى) باسشىلارى قاتىسۋدا.
