يسلام ويىندارى: دزيۋدوشى ەرعاليەۆ «قولا» يەلەندى

باكۋ. قازاقپارات - قازاقستاندىق دزيۋدوشى ەلامان ەرعاليەۆ باكۋدە ءوتىپ جاتقان يسلام ىنتىماقتاستىعى ويىندارىنىڭ قولا مەدالىن جەڭىپ الدى، دەپ حابارلايدى قازاقپارات ح ا ا- نىڭ باكۋدەگى مەنشىكتى ءتىلشىسى.

100 كەلىدەن استام سالماق دارەجەسىندە ونەر كورسەتەتىن ەرعاليەۆ تۇركيالىق قارسىلاسى فەياز يازىدجىنى جەڭىپ، قازاقستان قۇراماسىنىڭ قورجىنىنا ەكىنشى «قولانى» سالدى. ال 100 كەلىگە دەيىنگى ەكىنشى دزيۋدوشىمىز ۆيكتور دەميانەنكو قولا مەدال ءۇشىن بەلدەسۋدە اراب امىرلىكتەرىنىڭ سپورتشىسىنا ەسە جىبەرىپ، بەسىنشى ورىندى قاناعات تۇتتى.

بۇعان دەيىن حابارلاعانىمىزداي، 14 -مامىر كۇنى قازاقستاندىق بوكسشىلار جارىستاردىڭ كەلەسى كەزەڭىنە ءوتتى. سۇلتانبەك زاۋىربەك (60) ۋلۋگبەك دۋسمۋرادوۆتى (وزبەكستان) 5:0 ەسەبىمەن جەڭىپ، جارتىلاي فينالعا جولداما الدى.

سۇلتانبەك كەلەسى ايقاسىن 17 -مامىر كۇنى وتكىزەدى. يليا وچكين (69) ابدەلكابير بەلاسسەكتى (ماروككو) 3:2 ەسەبىمەن جەڭىپ، شيرەك فينالعا شىقتى. وندا ول پاكىستاندىق ارشاد حۋسساينمەن كەزدەسەدى. سونداي-اق ¼ فينالدا ازات ماحمەتوۆ (52)، تۇرسىنباي قۇلاحمەت (75) جانە قۋان قۋاتوۆ (64) ونەر كورسەتەتىن بولادى.

جەكسەنبى كۇنى باكۋگە تاەكۆوندودان ق ر قۇراماسى كەلدى. ونىڭ قۇرامىندا ريوداعى وليمپيادا ويىندارىنىڭ قاتىسۋشىسى رۋسلان جاپاروۆ، حالىقارالىق تۋرنيرلەردىڭ بىرنەشە دۇركىن جەڭىمپازدارى جانسەل دەنيز جانە اينۇر ەسبەرگەنوۆا بار. 15 -مامىر كۇنى قازاقستاندىق بوكسشىلار مەن دزيۋدوشىلار جارىستارىن جالعاستىراتىن بولادى.

ەسكە سالا كەتەيىك، 12-22 -مامىر ارالىعىندا ازەربايجان استاناسى باكۋدە IV يسلام ىنتىماقتاستىق ويىندارى وتۋدە. ويىندارعا 54 ەلدەن شامامەن 3500 سپورتشى قاتىسۋدا.

قازاقستان اتىنان بەس باعىت بويىنشا 32 سپورتشى قاتىسۋدا. ويىندار الەمنىڭ 58 ەلىندە تىكەلەي ەفيردەن كورسەتىلۋدە.

اۆتور: ميرا تولەندى قىزى