نۇرسۇلتان نازاربايەۆ بەيجىڭدەگى فورۋمنىڭ اشىلۋىنا قاتىستى

استانا. قازاقپارات - قازاقستان پرەزيدەنتى شەت مەملەكەتتەر مەن حالىقارالىق ۇيىمداردىڭ باسشىلارى جانە دەلەگاتسيالارى كەلگەن «ءبىر بەلدەۋ، ءبىر جول» اتتى بەيجىڭدەگى حالىقارالىق ىنتىماقتاستىق فورۋمىنا قاتىستى.

بۇل تۋرالى اقوردانىڭ باسپا ءسوز قىزمەتى دەپ حابارلادى. قىتاي حالىق رەسپۋبليكاسىنىڭ ءتوراعاسى شي جينپيڭ قاتىسۋشىلاردى قۇتتىقتاپ، ءسوز سويلەدى. فورۋمنىڭ باستى ماقساتى - ىنتىماقتاستىقتى جانداندىرۋ باعىتتارىن تالقىلاۋ، ءوزارا ءىس-قيمىل پلاتفورمالارىن قالىپتاستىرۋ جانە ىنتىماقتاستىق ناتيجەلەرى بويىنشا تاجىريبە الماسۋ.

ءىس-شارادا ينفراقۇرىلىمدىق بايلانىس، ساۋدا-ەكونوميكالىق ىنتىماقتاستىق، ونەركاسىپتىك ينۆەستيتسيالار، ەنەرگەتيكا مەن رەسۋرستار، قارجىلىق قولداۋ، قورشاعان ورتانى قورعاۋ سياقتى ماڭىزدى ماسەلەلەر تالقىلاناتىن بولادى.