10:52, 13 - مامىر 2017 | GMT +5
بەيبىت اتامقۇلوۆ عارىش اپپاراتىن قۇراستىرۋ- سىناۋ كەشەنىنىڭ جۇمىسىمەن تانىستى
استانا. قازاقپارات - قازاقستان رەسپۋبليكاسىنىڭ قورعانىس جانە ايەروعارىش ونەركاسىبى ءمينيسترى بەيبىت اتامقۇلوۆ استانا قالاسىنداعى ۇلتتىق عارىش ورتالىعى جۇمىسىمەن تانىستى،
دەپ حابارلايدى قورعانىس جانە ايەروعارىش ونەركاسىبى مينيسترلىگىنىڭ سايتى.
ورتالىقتى ارالاپ كورگەن اتامقۇلوۆ ونداعى مەحانيكالىق ءوندىرىس ۋچاستىگىندەگى باقىلاۋ- ولشەۋ ماشينالارىمەن، جالپاق مەتالدى وڭدەۋ جانە قۇراستىرۋ، ارنايى عارىشتىق تەحنيكا كونسترۋكتورلىق- تەحنولوگيالىق بيۋرو جانە عارىش اپپاراتىن قۇراستىرۋ- سىناۋ كەشەنىنىڭ قۇرىلىسى بويىنشا جۇرگىزىلىپ جاتقان جۇمىستاردى تەكسەردى.
قازاقستان رەسپۋبليكاسىنىڭ قورعانىس جانە ايەروعارىش ونەركاسىبى ءمينيسترى جۇرگىزىلىپ جاتقان قۇرىلىستار، سونداي- اق ۇلتتىق عارىش ورتالىعىنا ىرگەلەس اۋماقتاردى اباتتاندىرۋ بويىنشا ناقتى تاپسىرمالار بەردى.
