شىمكەنتتە وزبەكستاندىق تاۋار وندىرۋشىلەردىڭ كورمەسى وتۋدە
دەپ حابارلايدى قازاقپارات ح ا ا ءتىلشىسى.
اتاپ ايتقاندا، كورشى ەلدىڭ كاسىپكەرلەرى تاماق ونەركاسىبى، قۇرىلىس، ماشينا جاساۋ، مەتالۋرگيا، حيميا، جەڭىل ونەركاسىپ، فارماتسيەۆتيكا، جيھاز، كيىم جانە توقىما سالاسىنا قاتىستى ونىمدەر، كادەسىيلار مەن سپورتتىق تاۋارلار جانە ويىنشىقتار اكەلىپتى.
اتالعان ءىس- شارا اياسىندا وبلىس اكىمى جانسەيىت تۇيمەبايەۆ تاشكەنت قالاسى اكىمىنىڭ ءبىرىنشى ورىنباسارى نوزيم حۋسانوۆ باستاعان دەلەگاتسيامەن كەزدەستى. وندا اكىم وزبەكستان كاسىپكەرلەرىمەن وڭتۇستىك قازاقستان وبلىسىنىڭ اۋماعىندا ءبىر مىڭنان استام ياعني، ساۋدا، ونەركاسىپ، اۋىل شارۋاشىلىعى، قۇرىلىس پەن قۇرىلىس ماتەريالدارىن ءوندىرۋ، مەديتسينا جانە ءبىلىم بەرۋ سالالارىندا تابىستى ىنتىماقتاستىق ورناتىلعانىن اتاپ ءوتتى. وزبەكستاندىق كاسىپكەرلەردى بىرلەسە جۇمىس ىستەۋگە شاقىردى.
«ءبىزدىڭ ايماق بيزنەستى دامىتۋ ءۇشىن ينۆەستورلارعا قولايلى جاعداي جاساۋىمەن ەرەكشەلەنەدى. 2010 -جىلى شىمكەنت قالاسىندا توقىما ونەركاسىبىن دامىتۋ ماقساتىندا «وڭتۇستىك» ارنايى ەكونوميكالىق ايماعى قۇرىلعان. سونىمەن قاتار، وبلىسىمىزداعى 11 يندۋستريالدى ايماعىندا كاسىپكەرلەر ءۇشىن قولايلى جاعداي جاسالعان. بۇگىنگى كەزدەسۋ شىمكەنت پەن تاشكەنت كاسىپكەرلەرىنىڭ اراسىندا بولاشاق جەمىستى ىنتىماقتاستىقتىڭ نەگىزى بولادى دەپ ۇمىتتەنەمىن»، - دەدى ايماق باسشىسى.
ءوز كەزەگىندە، تاشكەنت قالاسى اكىمىنىڭ ءبىرىنشى ورىنباسارى نوزيم حۋسانوۆ باۋىرلاس ەلدەردىڭ ساۋدا- ەكونوميكالىق ىنتىماقتاستىعىنان بولەك، مادەني- گۋمانيتارلىق بايلانىسىنىڭ نىعايا تۇسەتىنىنە سەنىم ءبىلدىردى.
«بۇگىن ءبىز 900-گە جۋىق تاۋار ءتۇرىن نازارلارىڭىزعا ۇسىناتىن بولامىز. دەگەنمەن، بۇل ءبىزدىڭ بارلىق الەۋەتىمىز دەگەندى بىلدىرمەيدى. الداعى باسقوسۋلارىمىزدا دا تابىستى جەتىستىكتەرگە بىرگە جەتەمىز دەگەن ۇمىتتەمىن. جالپى، قازاقستان مەن تاشكەنت اراسىنداعى ساۋدا اينالىمى جىلدان- جىلعا ارتىپ كەلەدى. ماسەلەن، بىلتىر قازاقستاننىڭ تاشكەنتپەن اراداعى ساۋدا اينالىمى 500 ميلليون ا ق ش دوللارى بولسا، بيىلعى جىلدىڭ ءبىرىنشى توقسانىنداعى ناتيجە بويىنشا اتالعان سوما 150 ميلليون ا ق ش دوللارىنا كوبەيىپ وتىر»، - دەدى نوزيم حۋسانوۆ.
ايتا كەتەيىك، بۇگىندە قازاقستاننان وزبەكستانعا باعىتتالعان ەكسپورتتىڭ باسىم بولىگى مۇناي جانە ونىڭ ونىمدەرى مەن ۇن- جارما ونەركاسىبىنىڭ ونىمدەرى، استىق، قارا جانە ءتۇستى مەتالل، سەمەنت، ترانسفورماتورلار، ورگانيكالىق ەمەس حيميا جانە ازىق- تۇلىك ونىمدەرى بولىپ تابىلادى. ال كورشى ەلدەن بىزگە جەمىس- جيدەك، كوكونىس ونىمدەرى، ماقتا تالشىعى، توقىما جانە دايىن تىگىن ونىمدەرى، تىڭايتقىشتار، مەحانيكالىق قۇرىلعىلار، پلاستماسسا بۇيىمدارى، اعاش جانە گيپس پەن وزگە دە ءتۇرلى ماتەريالدار مەن ماتالار يمپورتتالۋدا.
اۆتور: اينۇر اقبايەۆا
