گەرمانيا اسكەري سالادا اۋقىمدى رەفورما جۇرگىزبەك
سونداي- اق اسكەري قىزمەتكەرلەرگە ساياسي ءبىلىم بەرۋ جانە ەكسترەميستىك وقيعالاردى حابارلايتىن ءتيىمدى جۇيە قۇرۋ جوسپاردا بار. گەرمانيا قورعانىس ءمينيسترىنىڭ ايتۋىنشا، رەفورمالار ىشكى ەرەجەلەردى وزگەرتۋگە باعىتتالعان.
ەستەرىڭىزگە سالا كەتەيىك، بۇل شەشىم نەمىس اسكەري قىزمەتكەرى، اعا لەيتەنانت فرانكو قاماۋعا الىنعاننان كەيىن قولعا الىندى. ول سيريا بوسقىنىمىن دەپ، لاڭكەستىك شابۋىل جوسپارلاعان. مالىمەتتەر بويىنشا بۇعان سەبەپ - شەتەلدىكتەرگە دەگەن وشپەندىلىك. جالپى وسى اپتادا بۋندەسۆەردە اۋقىمدى تەكسەرۋلەرۋلەر جۇرگىزىلدى.
ۋرسۋلا فون دەر ليايەن، گەرمانيانىڭ قورعانىس ءمينيسترى:
- ءبىز بۇل جاعدايعا قاتتىراق قاراۋمىز كەرەك. فرانكوعا قاتىستى ءىس قالاي شەكتەن شىقتى؟ مىسالى، بارلاۋ قىزمەتى دەر كەزىندە ەشكىمگە حابار بەرمەگەن. ماسەلە سودان شىعىپ وتىر. ياعني ءىس ناقتى باقىلاۋعا الىنباعان. ال قىلمىسكەر وسى ۋاقىتقا دەيىن تاسادا قالىپ كەلگەن. كوردىڭىز بە؟ سوندىقتان مۇنداي جاعداي كەلەسىدە قايتالانباس ءۇشىن بۋندەسۆەر جۇيەسىندەگى تۇيتكىلگە تەرەڭىرەك ءۇڭىلىپ، قولدان كەلگەننىڭ ءبارىن جاساۋىمىز كەرەك.
www.24.kz
