مەسسي مەن روكۋتستسونىڭ ۇيلەنۋ تويى ماۋسىم ايىندا بولادى

استانا. قازاقپارات -  ارگەنتينالىق فۋتبولشى ليونەل مەسسي انتونەللە روكۋتستسومەن ماۋسىمنىڭ 30 - كۇنى تۋعان قالالارى روساريودا ۇيلەنەتىن بولدى.

 ۇيلەنۋ تويى «بارسەلونا» مەن ارگەنتينا قۇراماسىنىڭ جۇلدىزى 30 جاس مەرەيتويىن اتاپ وتكەننەن كەيىن بىرنەشە كۇننەن سوڭ بولادى دەپ جوسپارلانىپ وتىر.

جاس جۇبايلاردىڭ نەكەلەسۋ بولىمىنەن باسقا 9 reinas مەيرامحاناسىندا 600 قوناققا ارنالعان بانكەت ۇيىمداستىرىلماق، دەپ جازادى Daily Mail.

 مەسسي مەن روكۋتستسو 10 جىل بويى ءبىر شاڭىراق استىندا تۇرىپ كەلەدى. ولاردى بالا كۇندەرىندە ليونەلدىڭ جاقىن دوسى ءارى انتونەللانىڭ نەمەرە اعاسى لۋكاس سكاليا تانىستىرعان. ايتا كەتەيىك، بۇگىندە مەسسي مەن روكۋتستسو ەكى بالا تاربيەلەپ وتىر. ۇلكەن ۇلدارى تياگونىڭ جاسى 4-تە، ال كىشى ۇلى مەتەو 2 جاسقا كەلدى.

www.24.kz