قازاقستاندىق ستۋدەنت قىز العاش رەت بەدەلدى شۆەتسيالىق سىيلىققا يە بولدى
«ءبىزدىڭ وتانداسىمىز ادينا حاميتوۆا بۇل سىيلىققا شۆەتسياداعى ەڭ ءىرى جانە ەۋروپاداعى ەڭ ۇلكەن مەديتسينالىق ۋنيۆەرسيتەتتەردىڭ ءبىرى سانالاتىن كارولين ينستيتۋتىنىڭ اتىنان ۇسىنىلعان ەدى. ول حالىقارالىق قاتىناستاردى دامىتۋعا جانە يننوۆاتسياعا قوسقان ۇلەسى مەن اكادەميالىق جەتىستىكتەرى ءۇشىن ۇزدىك شەتەلدىك ستۋدەنت بولىپ تانىلدى. ماراپاتتاۋ راسىمىنە قازاقستاننىڭ شۆەتسياداعى ەلشىسى داستان ەلەۋكەنوۆ تە قاتىستى»، - دەپ حابارلادى ءا. جايناقوۆ ءوزىنىڭ فەيسبۋكتەگى پاراقشاسىندا.
اتالمىش سىيلىقتى تابىستاۋ ءراسىمى جاقىندا شۆەتسيانىڭ سىرتقى ىستەر مينيسترلىگىندە بولىپ ءوتتى. ادينا حاميتوۆاعا ناگرادانى ەۋروپالىق وداق ىستەرى جانە ساۋدا ءمينيسترى انن ليندە تابىس ەتتى.
ا. حاميتوۆا كارولين ۋنيۆەرسيتەتىندە «دەنساۋلىق ساقتاۋ ەكونوميكاسى، ساياسات جانە مەنەدجمەنت» ماماندىعى بويىنشا ماگيستراتۋرادا 2015-جىلدان بەرى ءبىلىم الۋدا. Global Swede Award سىيلىعى جىل سايىن ستوكگولمدە حالىقارالىق قاتىناستاردى دامىتۋعا، يننوۆاتسياعا، اكادەميالىق جەتىستىكتەر مەن كاسىپكەرلىككە قوسقان ۇلەسى ءۇشىن دارىندى شەتەلدىك ستۋدەنتتەرگە بەرىلەدى.
