قازاققا جيەن كوستوۆ «ەۋروۆيدەنيە» بايقاۋىنىڭ فينالىنا شىقتى - كەسكىن
كيەۆتە «ەۋروۆيدەنيە» بايقاۋىنىڭ ەكىنشى جارتىلاي فينالى ءوتتى. بۇل كەزەڭ تىكەلەي ەفيردە ترانسلياتسيالاندى. قازاقستاندىقتار بۇگىنگى ونەر دوداسىن تاعاتسىزدانا كۇتكەنى جاسىرىن ەمەس، سەبەبى بۇل سىندا قازاققا جيەن بولىپ كەلەتىن بولگاريالىق كريستيان كوستوۆ تا باق سىناپ جاتىر.
كريستيان كوستوۆ «Beautiful Mess» كومپوزيتسياسىن ورىنداپ، اقتىق كەزەڭگە جولداما الدى. كريستيان كوستوۆ ماسكەۋدە دۇنيەگە كەلگەن. ونىڭ اكەسى كونستانتين - بولگار، اناسى زاۋرە - قازاق. زاۋرە 1985 -جىلى ماسكەۋدەگى ينستيتۋتقا وقۋعا ءتۇسىپ، ونى اياقتاعاننان كەيىن رەسەيدە قالادى.
ءانشىنىڭ اتا-اناسى ونىڭ ونەرگە دەگەن قۇلشىنىسىنا قولداۋ ءبىلدىرىپ، ءتورت جاسىندا «نەپوسەدى» تانىمال ستۋدياسىنا جىبەرەدى. اناسىنىڭ ايتۋىنشا، كريستيان قازاق ءتىلىن جاقسى تۇسىنەدى. سەبەبى، زاۋرە ماسكەۋدە بيزنەسپەن اينالىسىپ جۇرگەندە، ونى ناعاشى اتاسى مەن اجەسى تاربيەلەگەن ەكەن.
ايتا كەتەيىك، «قازاقپارات» ح ا ا تىلشىسىنە بەرگەن سۇحباتىندا كوستوۆ ءوزىنىڭ انشىلىك قابىلەتى ناعاشى اتاسىنان جۇققانىن ايتقان بولاتىن. «مەنىڭ ناعاشى اتامنىڭ جاسى 85 تە. وتباسىلىق باسقوسۋلاردا كەيبىر ەسترادا انشىلەرىنەن كەم ايتپايدى. ونىڭ داۋىسىن تىڭداپ وتىرىپ، ءوزىمنىڭ مۋزىكالىق قابىلەتتەرىمنىڭ قايدان كەلگەنىن تۇسىنەمىن»، - دەگەن بولاتىن ول.
اۆتور: ەربول جانات
PLZ! JUST! JOIN! AND! VOTE!!!! 15!!!! #KristianKostov #eurovision2017 #CelebrateDiversity #beautifulmess #eurovision
