ەكسپو الاڭىندا ديۋ سولەي سيركى ونەر كورسەتەدى
شتاب- پاتەرى مونرەال قالاسىندا ورنالاسقان ديۋ سولەي سيركى قازىرگى تاڭدا ويىن-ساۋىق يندۋسترياسىنداعى الىپ كومپانيالاردىڭ بىرىنە اينالعان. سيرك ۇجىمىندا الەمنىڭ 50 ەلىنەن جينالعان 4000 عا جۋىق ادام ەڭبەك ەتەدى، ونىڭ 1300 ءى - ءارتىس. الەمگە ايگىلى ديۋ سولەي سيركى وسى ۋاقىتقا دەيىن 400 دەن استام شاھاردا ونەر كورسەتىپ ۇلگەردى. ەندى ولار ەكسپو-2017 اياسىندا العاش رەت استاناعا جول تارتپاق.
قازاقستاننىڭ باي مادەنيەتى مەن تاريحىنان جانە «بولاشاق ەنەرگياسى» اتتى كورمە تاقىرىبىندا سيرك ارتىستەرى استانا تۇرعىندارى مەن قوناقتارى ءۇشىن ارنايى ەكسكليۋزيۆتى «REFLEKT» شوۋ-باعدارلاماسىن دايىنداۋدا.
تاڭعاجايىپ قويىلىمدا قازاق حالقىنىڭ مادەني مۇراسى مەن بولاشاققا دەگەن زاماناۋي كوزقاراس ءوزارا ءورىلىپ جاتادى. جالپى، سيرك تاراپىنان 2017-جىلدىڭ 10- ماۋسىمىنان 10- قىركۇيەگىنە دەيىن 71 قويىلىم جوسپارلانىپ وتىر. سيرك قوناقتارى بىرەگەي شوۋدى ارنايى جابدىقتالعان ءۇشبۇرىش تارىزدەس پاۆيلوندا تاماشالاي الادى. ونىڭ سىيىمدىلىعى 2000 كورەرمەنگە جوسپارلانعان. قويىلىم تۇساۋكەسەرى كورمە الاڭىندا 16- ماۋسىمدا وتپەك.
زاماناۋي قازاقستاننىڭ تاريحىنداعى الىپ شارانىڭ ءبىر بولشەگى بولىپ، ديۋ سولەي سيركىنىڭ تاڭداي قاقتىرارلىق قويىلىمىنىڭ كۋاگەرى بولۋ ءۇشىن 4000 تەڭگەدەن باستالاتىن بيلەتتى ساتىپ الۋ قاجەت.
