الماتىدا تۇرعىن ءۇي باسقارماسى تۇرعىندارعا ارنالعان سايت اشتى

الماتى. قازاقپارات - الماتى قالاسى تۇرعىن ءۇي باسقارماسى مەن تۇرعىن ءۇي ينسپەكتسياسى Kskportal.almaty.kz جاڭا ۆەب-سايتىن ىسكە قوستى.

ەندى تۇرعىندار قاجەت سۇراقتارىن سايت ارقىلى قويا الادى، دەپ حابارلايدى قازاقپارات.

ۆەدومستۆونىڭ حابارلاۋىنشا، تۇرعىندار ەندى سايت ارقىلى ءوزى تۇراتىن ءۇيدىڭ قاي پاتەر يەلەرى كووپەراتيۆتەرىنە (پ ي ك) قارايتىندىعىن، پ ي ك- تەردىڭ ەسەپتەرىن كوممۋنالدى كاسىپورىندار تاريفتەرى تۋرالى اقپاراتتاردى الا الادى. «سايتتا اۋداندىق اكىمدىكتەردىڭ تۇرعىن ءۇي كوممۋنالدىق شارۋاشىلىق بولىمدەرىنىڭ تەلەفوندارى مەن مەكەن جايلارى، سەرۆيستىك كومپانيالار مەن كوممۋنالدىق قىزمەت ۇسىنۋشىلار جونىندە اقپاراتتار ورنالاستىرىلادى.

سونداي-اق، سايتتى قولدانۋشىلار جاسالاتىن نورماتيۆتى قۇجاتتى تالقىلاۋعا قاتىسىپ، سۇراق قويىپ، جاۋاپ الا الادى. بۇلاردان وزگە جاڭادان اشىلعان پورتالدا پ ي ك- تەردىڭ رەيتينگتەرى ۇيىمداستىرىلادى»، - دەلىنگەن حابارلامادا.