قۇربىسىنىڭ كۇيەۋىنە بالا تۋىپ بەرگەنىن بىلگەن كەلىنشەك بار سىرىن جايىپ سالدى

استانا. قازاقپارات - نۇر.ك ز پورتالى قوعامدا ورىن الىپ جاتقان الەۋمەتتىك ماسەلەلەرگە قاتىستى وقىرمانداردىڭ حاتتارىن جاريالاۋدى قولعا العانى بەلگىلى.

رەداكسياعا حابارلاسىپ، ومىرىندە ورىن العان جايتتاردى جاريالاپ بەرۋدى وتىنەتىندەر سانى ارتىپ كەلەدى. سونداي وقيعالاردىڭ ءبىرى - ءوز قۇربىسى كۇيەۋىنە بالا تۋىپ بەرىپ، قانشا جىل بۇل تۋرالى بىلمەي كەلگەن كەلىنشەكتىڭ جان سىرى.

«بۇرىن ىشتەن شىققان سۇر جىلان» دەگەن ءسوزدى تۇسىنبەيتىنمىن. سەبەبى وندايلارمەن ومىردە كەزدەسىپ كورمەگەن ەكەنمىن. ءبىراق ءومىرىمنىڭ استاڭ- كەستەڭىن شىعارعان مىنا وقيعانى ايتپاسام، ىشىمە سىيماي بارادى.

  تۇرمىستامىن. ءۇش قىزىم، كۇيەۋىم بار. ارامىزدا ۇساق- تۇيەك كيكىلجىڭدەر بولماسا، ۇرىس- كەرىس بولىپ كورمەگەن. تاتۋ- ءتاتتى، ۇلگىلى وتباسىلاردىڭ قاتارىنانبىز دەپ ويلايتىنمىن. كۇيەۋىمنىڭ تۇراقتى جۇمىسى بار. مەن بالامەن ۇيدە وتىراتىنمىن»، - دەگەن نازەركە ەسىمدى كەلىنشەك بالا كەزگى قۇربىسىمەن تۇرمىس قۇرعاننان كەيىن دە ارالاس- قۇرالاس بولىپ، ەتەنە ارالاسقانىن ايتتى.

«وتىرىستاردا بىرگە وتىراتىنبىز. كەز كەلگەن شارالاردى بىرگە اتقارىپ، ءبىر- بىرىمىزدەن كومەكتى ايامايتىنداي كورىنەتىن. ءبىراق وتىزدان اسسا دا، ول تۇرمىسقا شىقپادى. ءتۇرلى جىگىتتەرمەن ءجۇردى. ونى بىلەمىز. ءبىراق تەڭىن تاپپادى.

ءوزى سولاي ايتاتىن. دوستارىمىزبەن دە تانىستىرىپ كوردىك. ءبىراق ەشقانداي پايدا بولمادى. ىشتەي ونىڭ جىگىتپەن كوپ جۇرەتىنىن جاقتىرماي ءجۇردىم. بەتىنە دە ايتتىم. ءبىر كۇنى ول اياعى اۋىر ەكەنىن، جىگىتىنىڭ تاستاپ كەتكەنىن ايتتى. قاتتى ۋايىمدادىم. ءبىراق بالانى الدىر دەۋگە ءداتىم بارمادى. كۇيەۋىمە ايتىپ ەدىم، ول كومەكتەسەمىز عوي دەپ تۇسىنىستىك تانىتتى. مەن وعان ريزا بولىپ، كادىمگىدەي قۋاندىم. كىمنەن ەكەنى بەلگىسىز بالا تۋىپ العان ايەلىنىڭ قۇربىسىن كىم كوتەرەدى دەيسىڭ.

وعان العىسىمدى ايتتىم. ءسويتىپ، قۇربىم ۇل بالانى ومىرگە اكەلدى. ۇيىنە بارىپ كومەكتەسىپ، كەرەك- جاراعىن اپەردىك. بالانىڭ اتىن كۇيەۋىم قويايىن دەپ قولقا سالدى. وعان قۇربىم رۇقسات بەرە قالدى. ءبارىمىز ورتاعا الىپ وسىرە باستادىق. كۇيەۋىم دە وعان ەرەكشە مەيىرىممەن قارايتىن. ءۇش قىزى بار، ۇلى جوق، سول ءۇشىن ۇل بالانى جاقسى كورىپ تۇر عوي دەپ ويلايتىنمىن»، - دەدى كەلىنشەك.

«اكەسى جوق دەپ كۇيەۋىمنىڭ وعان دەگەن ءىلتيپاتىنان ەش كىنارات كورمەي ءجۇردىم. كەيدە قۇربىم «پاپا» دەپ ايت دەپ قويادى. وعان دا اڭعالدىقپەن كۇلە سالاتىنمىن. ءبىراق ءبىر كۇنى توبەمنەن جاي تۇسكەندەي بولدى. ءومىرىمنىڭ استاڭ- كەستەڭى شىقتى. قۇربىم تەلەفون ارقىلى الدەكىمگە مەنى قالاي الداپ جۇرگەندەرىن ايتىپ جاتقانىن ەستىپ قالدىم.

«نازەركە ءوزى «پاپا» دەپ ايتقىزادى. نۇرلان دا ءماز. نازەركەدەن ولەردەي قىزعانام. ۇل تاۋىپ بەرىپ وتىرمىن عوي ساعان دەسەم، نۇرلان ازىرگە ونى تاستاپ كەتۋگە دايىن ەمەس»، - دەپ جاتتى ول تەلەفونمەن»، - دەپ اڭگىمەلەدى كەلىنشەك.

«مەن ەندى كىمگە سەنەرىمدى بىلمەيمىن. ءۇش قىزىمدى الىپ، اپكەمنىڭ ۇيىنە كوشىپ كەتتىم. نۇرلان جالىنىپ قايتا- قايتا كەلەدى. ءومىرىم اياقتالعانداي كورىنەدى»، - دەگەن ول ءومىردى قايتا باستاۋ تۋرالى ويلانىپ جۇرگەنىن ايتادى.

NUR. KZ