ريو- دە- جانەيرودا ونەر ۇجىمدارى وزگەشە نارازىلىق اكسياسىن وتكىزدى

استانا. قازاقپارات - برازيليانىڭ ريو- دە- جانەيرو قالاسىندا مەملەكەتتىك شىعىنداردى قىسقارتۋعا قارسى ونەر ۇجىمدارى نارازىلىق اكسياسىن وتكىزدى، دەپ جازادى «حابار 24».

ءبىر قىزىعى، ولار ۇكىمەتتىڭ ۇستانعان ساياساتىنا كوڭىلى تولماي، كوشە كەزىپ شەرۋلەتكەن جوق.

كەرىسىنشە، بيلىك نازارىن وزىنە اۋدارۋ ءۇشىن اشىق اسپان استىندا كوپشىلىككە كونسەرتتىك باعدارلاما كورسەتتى. نارازىلىق اكسياسى برازيليادا العاشقىلاردىڭ ءبىرى بولىپ اشىلعان قالالىق تەاتر الدىندا ءوتتى. ونەرپازداردىڭ ايتۋىنشا، ولار بىرنەشە اي جالاقى الماعان.

ويتكەنى ەكونوميكالىق داعدارىس مادەنيەت سالاسىنا قاتتى اسەر ەتىپ، تەاترلاردى قارجىلاندىرۋ ايتارلىقتاي قىسقارعان. ال امالى تاۋسىلعان قىزمەتكەرلەر اقىسىز جۇمىس ىستەپ ءجۇر. مادەنيەت سالاسى العاش رەت وسىنداي پۇشايمان كۇيگە ءتۇسىپ تۇر.