19:53, 10 - مامىر 2017 | GMT +5
عالىمدار ىشىمدىكتىڭ قايدان باستاۋ العانىن تاپتى
استانا. قازاقپارات - امەريكالىق جانە قىتايلىق عالىمداردان قۇرالعان ماماندار توبى يسلام دىنىندەگى ۇلكەن كۇنانىڭ ءبىرى - الكوگولدىڭ پايدا بولۋىنا زەرتتەۋ جاسادى دەپ حابارلايدى ummet.kz.
عالىمدار قىتايدىڭ جياحۋ كونە اۋىلىندا جۇرگىزگەن قازبا جۇمىستارى ناتيجەسىندە ون التى ءتۇرلى بالشىق ىدىس قالدىقتارىن تاپتى. ءجىتى جۇرگىزىلگەن حيميالىق ساراپتامادان سوڭ شامامەن 9 مىڭ جىل بۇرىن بۇل ىدىستاردا الكوگول ونىمدەرى ساقتالعانى انىقتالدى.
زەرتتەۋ دەرەكتەرىنە سايكەس، الكوگولدى سۋسىن ءجۇزىم، بال جانە كۇرىشتى اشىتۋ ارقىلى جاسالعان، ياعني، شاراپ ازىرلەنگەن.
وسىدان سوڭ زەرتتەۋشى عالىمدار قوعام تۇسىنىگىندە قالىپتاسقان الكوگولدى سۋسىنداردى تاياۋ شىعىس حالقى وندىرگەن دەگەن تۇجىرىمدى تەرىسكە شىعاردى.
