قازاقستان ۇكىمەتى دە امەريكانىڭ دەموكراتياسىنا قاتىستى سىن ايتىپ وتىرادى - ا ق ش ەلشىسى

استانا. قازاقپارات - بۇگىن استانادا وتكەن باسپا ءسوز ءماسليحاتىندا ا ق ش- تىڭ قازاقستانداعى توتەنشە جانە وكىلەتتى ەلشىسى دجوردج كرول ەلىمىزدەگى ءسوز بوستاندىعى مەن دەموكراتياعا قاتىستى ءوز پىكىرىن ءبىلدىردى، دەپ حابارلايدى قازاقپارات ءتىلشىسى.

«ارينە، مەن ءوزىم قازاقستاننىڭ ىشكى ماسەلەلەرىنە ارالاسا المايمىن. دەگەنمەن، دەموكراتيا مەن ءسوز بوستاندىعىنا قاتىستى سىن ايتىلعاندا الاڭداۋشىلىق تۋىندايدى. سەبەبى ءبىز، ا ق ش ۇكىمەتى مەن ۇكىمەتتىك ەمەس ۇيىمدار، ءسوز بوستاندىعىن قالايمىز. ونداي جاعدايلار بولعاندا قازاقستان ۇكىمەتىمەن كەزدەسىپ، بارلىعىن اشىق تۇردە تالقىلايمىز. ءبىز شەتەلدىك جۋرناليستەر مەن ۇكىمەتتىك ەمەس ۇيىمداردىڭ ساراپتاماسىن، ول ارقىلى سىرتتا قانداي يميدجدىڭ قالىپتاسىپ جاتقانىن دا كورسەتىپ وتىرامىز. قازاقستان ۇكىمەتى بىزبەن كەز كەلگەن ۋاقىتتا كەزدەسەدى، كەز كەلگەن ماسەلە بويىنشا اشىق سويلەسەدى. ءيا، كەي كەزدە كەلىسپەۋشىلىكتەر دە بولادى. ولار دا ا ق ش- تاعى ۇدەرىستەرگە قاتىستى ەسكەرتۋ جاسايدى. سوندىقتان وسى سالاداعى جۇمىس ءبىرجاقتى جۇرگىزىلەدى دەپ ويلاپ قالماڭىز. ول ەكىجاقتى تۇرعىدا جۇرگىزىلەدى»، - دەيدى كرول.

ايتا كەتەيىك، بۇگىنگى باسپا ءسوز ءماسليحاتىندا دجوردج كرول استاناداعى ەكسپو-2017 كورمەسىندە اشىلاتىن امەريكانىڭ پاۆيلونى جايىندا ايتىپ بەردى.