وڭتۇستىك قازاقستاننان ەكسپو كورمەسىنە اۋىل شارۋاشىلىعى ونىمدەرى تيەلگەن كەرۋەن جولعا شىقتى - فوتو
كەرۋەندە جالپى قۇنى 135 ميلليون تەڭگەدەن اساتىن 262 توننا ازىق-تۇلىك ونىمدەرى بار، دەپ حابارلايدى قازاقپارات ح ا ا ءتىلشىسى.
اۋىل شارۋاشىلىعى ونىمدەرىن ايماقتىڭ 35 ءىرى جانە قوسالقى شارۋا قوجالىقتارى مەن كاسىپورىندارى دايىنداعان.
اۋىر جۇك كولىكتەرىنە تيەلگەن تاۋارلار 13- جانە 14- مامىر ارالىعىندا حالىقارالىق كورمە اياسىندا وتەتىن جارمەڭكەدە ەلوردا تۇرعىندارىنا ۇسىنىلادى.
وبلىستىق اۋىلشارۋاشىلىق باسقارماسىنىڭ باسشىسى سەرىك تۇربەكوۆتىڭ ايتۋىنشا، ونىمدەردىڭ باعالارى دا تومەن بولادى. سەبەبى، بارلىعى دا جەرگىلىكتى شارۋالاردىڭ ونىمدەرى.
«اۋىل شارۋاشىلىعى ونىمدەرىنىڭ باعالارى استانا قالاسى اكىمدىگىمەن كەلىسىلگەن. ول جەردەگى جالپى نارىقتاعى باعادان 10-15 پايىز تومەن باعامەن ساتامىز دەپ وتىرمىز. وزدەرىڭىز بىلەسىزدەر، ءبىزدىڭ شارۋالارعا استاناعا ءونىم جەتكىزۋ وتە پايدالى. ەلوردادا باعا بىزبەن سالىستىرعاندا جوعارىلاۋ بولعاندىقتان ءونىمنىڭ ساپالىسىن جەتكىزەمىز»، - دەيدى وبلىستىق اۋىلشارۋاشىلىعى باسقارماسىنىڭ باسشىسى سەرىك تۇربەكوۆ.
ايتا كەتەيىك، وڭتۇستىك قازاقستان وبلىسى كورمە اياسىندا 6 جارمەڭكە وتكىزەدى دەگەن جوسپار بار. وندا 12 مىڭ توننادان استام ەت، جۇمىرتقا، بالىق، ءسۇت، قىمىران جانە كوكونىس سەكىلدى ءونىمنىڭ 28 ءتۇرىن ساۋدالاۋ جوسپارلانعان. بۇل ونىمدەردى ارنايى توڭازىتقىشتارمەن جابدىقتالعان 25 جۇك كولىگى جەتكىزەتىن بولادى.
