مايكل دجەكسوننىڭ ءولىم الدىندا جازعان حاتىنىڭ قۇپياسى اشىلدى

استانا. قازاقپارات - اتاقتى ءانشى مايكل دجەكسون ولەرىنەن بىرنەشە اپتا بۇرىن ءوزىنىڭ جاقىن دوستارىنا حات جازعان.

بۇل تۋرالى The Sun باسىلىمى حابارلادى.

ول ءوز حاتتارىن گەرمانيالىق بيزنەسمەن مايكل ياكوبشاگەنگە ارناعان. 13 مارتە جازىلعان حاتتا ومىرىنە ۇلكەن قاۋىپ ءتونىپ تۇرعانى ايقىن جازىلىپتى. سونداي-اق، ول ومىرىنە قاستاندىق جاسالا ما دەپ تە قورقاتىنىن جەتكىزگەن.

دەگەنمەن حاتتا ءانشىنىڭ ناقتى كىمدەردەن كۇدىكتەنەتىنى جازىلماعان. بولجام بويىنشا انشىگە جاسالعان قاستاندىق پەن ونىڭ لوندونداعى كونتسەرتىنىڭ ۇيىمداستىرۋشىلارى اراسىندا بايلانىس بولۋى مۇمكىن.

ال مايكل ياكوبشاگەننىڭ ايتۋىنشا ول ايگىلى انشىمەن 20 جىلداي ۋاقىت دوس بولىپتى.