ەر ادام وبىردان قايتىس بولعان ايەلىمەن التى كۇن بويى بىرگە ۇيىقتاعان
ەر ادامنىڭ ايتۋىنشا، ول وسىلايشا ايەلىمەن قوشتاسقان. دەۆيسون بارلىق تۋىسىنىڭ ۆەنديمەن قوشتاسۋ ءۇشىن ونىڭ ءمايىتىنىڭ جانىندا بولعانىن جەتكىزدى، - دەپ حابارلايدى Derby Telegraph.
ەر ادامنىڭ ويىنشا، قوعامدا ولىمگە دەگەن قاتە پىكىر قالىپتاسقان. «بىزگە بالا كەزىمىزدەن ءولىمنىڭ، ءمايىتتىڭ جانە سوعان قاتىسى بار كەز كەلگەن نارسەنىڭ جامان ەكەنىن ايتىپ كەلەدى. نەگىزىندە ولاي ەمەس. ءبىز ۆەنديمەن وسى ماسەلە بويىنشا كوپ سويلەستىك. مەن ونىمەن كوبىرەك بولعىم كەلدى جانە بۇل نارسەدەن ەش جاماندىق كورمەيمىن»، - دەيدى دەۆيسون.
راسسەل دەۆيسوننىڭ جارى 21 -ساۋىردە قايتىس بولدى، ءبىراق ونىڭ باقيلىق بولعانى تەك وسى كۇندەرى عانا بەلگىلى بولعان. ەر ادامنىڭ ايتۋىنشا، ايەلى سوڭىنا دەيىن كۇرەسىپ، بىرەۋدىڭ ەسىركەگەنىن قالاماعان. «ونىنشى ساۋىردە ۆەندي تاماق ءىشۋدى قويدى، ال ون بەسىنشى ساۋىردە ءىشۋدى قويدى. ءبىز ۇلدارىمىزبەن بىرگە ونىڭ جانىندا سوڭعى دەمى شىققانعا دەيىن بولدىق، بۇل وتە اۋىر كەزەڭ بولدى»، - دەيدى ۇلى بريتانيالىق ازامات.
«ۆەندي قايتىس بولعاننان كەيىن، ءبىز ونى جۋىپ، قابىرگە سالدىق. وسىدان كەيىن ول مەنىمەن تاعى التى كۇن بولدى. بارلىق تۋىس بۇل ىسىمە قارسىلىق بىلدىرگەن جوق. ءبىز ونىڭ ءمايىتىنىڭ جانىنا جينالىپ، ۆەنديدى ەسكە الاتىنبىز، وسىلايشا جەڭىلدەي تۇسەتىنبىز»، - دەدى ول. ۆەندي دەۆيسوندى جەرلەۋ ءراسىمى 14 -مامىرعا بەلگىلەنگەن.
