02:32, 10 - مامىر 2017 | GMT +5
يندونەزيادا جەرگىلىكتى تۇرعىندار تۇتقىنعا العان ورانگۋتان قۇتقارىلدى
استانا. قازاقپارات - يندونەزياداعى بورنەو ارالىنان تابىلعان ورانگۋتاندى ەكولوگتار جەرگىلىكتى تۇرعىنداردىڭ قۇرساۋىنان قۇتقاردى.
بەس جاستاعى جانۋار البينوس مايمىلدارى اراسىنداعى قۇتقارىلىپ وتىرعان العاشقى تىرشىلىك يەسى. جانۋار ەكى كۇن بويى توردا وتىرىپتى.
ورانگۋتاننىڭ تەرىسى اق، شاشى مەن كوزدەرى اشىق ءتۇستى. سونىمەن قاتار، ول جارىقتى تىم سەزگىش. ورانگۋتانداردى قۇتقارۋ قورى الداعى ۋاقىتتا جانۋاردىڭ دەنساۋلىعىن قالپىنا كەلتىرۋ جالعاساتىنىن حابارلادى.
"ەكى كۇن بويى قاماۋدا بولعان جانۋار جابايى بولىپ كەتكەن. دەگەنمەن ونى ءوزىنىڭ ءومىر ءسۇرۋ ورتاسىنا بەيىمدەۋگە ءالى دە مۇمكىندىك بار"، - دەدى ماماندار.
