قازاقستاندىق ميلليونەرلەر مەن مينيسترلەردى تاربيەلەپ شىعارعان مەكتەپ جايلى بىلەسىز بە؟ - فوتو
دەپ حابارلايدى NUR. KZ ءتىلشىسى.
اتالعان مەكتەپتە وقۋ كەز- كەلگەن وقۋشىنىڭ ارمانى. الايدا، ول جەرگە تەك ءبىلىمى وتە جوعارى دارىندى بالالار عانا قابىلدانادى.
مەكتەپتى بىتىرگەن وقۋشىلاردىڭ اراسىندا عالىم عانا ەمەس، مىقتى ساياساتكەر دە بارشىلىق. كەڭەس ۇكىمەتى تۇسىندا وسى مەكتەپتە تاربيەلەنگەن 7 وقۋشى تاۋەلسىز قازاقستاننىڭ ءار جىلدارى مينيسترلەرى بولدى.
- اتاپ ايتار بولساق، ەكى رەت پرەمەر- مينيستر قىزمەتىنىڭ تىزگىنىن ۇستاعان كارىم ءماسىموۆ وسى مەكتەپتى 1982 -جىلى ءتامامداعان. 2016 -جىلدان باستاپ ءبىلىم جانە عىلىم ءمينيسترى قىزمەتىن اتقاراتىن ەرلان ساعاديەۆ تا ر ف م م تۇلەگى.
- 2011-2012 -جىلدارى - ەكونوميكالىق دامۋ جانە ساۋدا ءمينيسترى بولعان قايرات كەلىمبەتوۆ ر ف م م 1980 -جىلدارى وقىعان.
- 2012 -جىلى ق ر قورشاعان ورتانى قورعاۋ ءمينيسترى بولعان قاپپاروۆ نۇرلان فيزيكا- ماتەماتيكا مەكتەبىنىڭ 1987 -جىلعى تۇلەگى.
- 2014-2016 -جىلدارى ق ر ۇلتتىق ەكونوميكا ءمينيسترى بولعان ەربولات دوسايەۆ مىقتى ەكونوميست قانا ەمەس، 110 ميلليون دوللار قاراجاتى بار ەڭ باي 50 قازاقستاندىقتىڭ قاتارىنا كىرگەن ميلليونەر. تيىننان تيىن قۇراپ، ەسەپتى شەمىشكەشە شاعۋدى وسى مەكتەپتەن ۇيرەنگەن. قارجىگەر فيز- ماتتى 1987 -جىلى ءتامامداعان.
- 2013 -جىلدىڭ 6- قاراشاسىنان - ق ر پرەمەر- ءمينيسترىنىڭ ورىنباسارى، ق ر قارجى ءمينيسترى قىزمەتىن اتقاراتىن باقىت سۇلتانوۆ اتالعان ءبىلىم ورداسىن 1988 -جىلى ءتامامداعان شەنەۋنىك.
- 1997-1998 -جىلدارى ق ر كولىك جانە كوممۋنيكاتسيالار ءمينيسترى بولعان قاليەۆ ەركىن مەكتەپتىڭ العاشقى تۇلەكتەرىنىڭ ءبىرى.
سونداي- اق، قارا وردا تيمۋر قۇلىبايەۆ، قايرات قوجامجاروۆ سىندى قوعام قايراتكەرلەر وقىعان.
ايتا بەرسەك، ماتەماتيكا مەكتەبىنەن شىققان مىقتىلار وتە كوپ. وسى مەكتەپتى بىتىرگەن ميلليونەر بيزنەسمەندەرىڭ سانى 100-گە جەتەدى. تانىمال تۇلعالار وزدەرى وقىعان مەكتەپتى ەشقاشان ۇمىتقان ەمەس. ولار 2 ميلليون دوللارعا جۋىق قاراجات جيناپ، ۇستازداردىڭ جالاقىسىن كوتەرۋگە، مەكتەپتىڭ ءىشى- سىرتىن جاڭارتۋعا قول ۇشتارىن بەرىپ كەلەدى.
سونداي- اق جىل سايىن ەلىمىزدە بولاتىن ۇلتتىق ءبىرىڭعاي تەستىلەۋ كەزىندە ەڭ جوعارعى كورسەتكىش وسى مەكتەپكە تيەسەلى. ءار جىلدارى ر ف م م 5 وقۋشىسى ۇ ب ت- دان ماكسيمالدى 125 ۇپاي جيناعان. 2008-2016 -جىلدارى 483 وقۋشى «التىن بەلگى» يەگەرى اتانسا، 200- ءى مەكتەپتى ۇزدىك ءتامامداعان. الداعى ۋاقىتتا ولاردىڭ دا اراسىنان تانىمال تۇلعالاردىڭ كوپتەپ شىعارى ءسوزسىز.
