10:36, 08 - مامىر 2017 | GMT +5
ديماش قۇدايبەرگەن فرانسيا تەلەارناسىنداعى شوۋدا ءان شىرقادى - كەسكىن
استانا. قازاقپارات - الەۋمەتتىك جەلىدە فرانسيالىق France 2 تەلەارناسىنىڭ Les années bonheur كابارە-شوۋىندا ونەر كورسەتكەن ديماش قۇدايبەرگەننىڭ ۆيدەوسى پايدا بولدى.
بۇدان بۇرىن ديماش قۇدايبەرگەندى فرانسۋز تەلەارناسى - France 2 كورەرمەندەرگە كەڭىنەن تانىمال شوۋعا شاقىرعان بولاتىن.
بۇل تۋرالى ءانشى ءوزىنىڭ ينستاگرامداعى پاراقشاسىندا جازدى. «مەن فرانسۋزدىق France 2 تەلە ارناسىنىڭ Les années bonheur كابارە شوۋىنىڭ قۇرمەتتى قوناعى بولامىن. الەم جۇلدىزدارى ونەر كورسەتەتىن كەش 6 -مامىردا فرانسيا ۋاقىتىمەن 20:00 دە، جىبەرىپ الماڭىزدار!!!».
ەسكە سالا كەتسەك، قازاقستاندىق ءانشى ديماش قۇدايبەرگەن قىتايداعى Singer شوۋىندا جارق ەتىپ، تالاي جۇرتتى تامساندىرعان بولاتىن. بۇل كۇندەرى انشىگە تابىنۋشىلار قاتارى سان مىڭداپ سانالادى دەسەك ارتىق ايتقاندىق بولماس.
اۆتور: ەرلان قوجاكەلديەۆ
